Nambas 20:29 - Pijin Bible

²⁹ Taem olketa pipol i herem dat Eron hemi dae, olketa evriwan i sore an krae fo hem fo tetifala de.

Pijin Deuterocanon

²⁹ Taem olketa pipol i herem dat Eron hemi dae, olketa evriwan i sore an krae fo hem fo tetifala de.

Nambas 20:29 Iomraidhean Croise

Jenesis 1:10

Hemi kolem drae ples ya, Graon, an hemi kolem wata ya wea hemi kam tugeta, Si. An God hemi lukim olketa waka blong hem ya, hemi gud.

Jenesis 1:5

Hemi kolem laet ya, De, an tudak ya, Naet. Nao de ya hemi finis. Hem nao fas de blong wol.

Jenesis 23:2

Hemi dae long kantri ya wea olketa kolem Kenan, long taon olketa kolem Kiriataba, wea distaem, olketa kolem Hebron. Nao Ebraham hemi sore tumas an hemi krae fogud long waef blong hem ya wea hemi dae finis. Bihaen, hemi getap from ples wea olketa leim waef blong hem, nao hemi go fo lukim olketa bikman long laen blong Het wea olketa onam graon long ples ya, an hemi tok olsem long olketa,

Jenesis 50:10

Nao taem olketa kam long Atad, long narasaet long Jodan Riva long ist, olketa gohed krae fo longtaem. Ples ya hemi ples fo klinim wit long hem, bat long ples ya, Josef hemi stap fo sevenfala de, an hemi gohed fo krae fo dadi blong hem.

Jenesis 50:3

Waka ya, olketa save gohed fo duim fo fotifala de. An long fotifala de ya nao hemi barava taem fo duim disfala waka ya. An olketa pipol long Ijip i gohed fo sore fo hem fo seventifala de.

Aposol 8:2

Samfala man hu olketa save prea long God, olketa berem Stivin an olketa krae bikfala an sore tumas long hem.

Diutronomi 34:8

Long datfala taem, pipol blong Israel i stap long bikfala flat eria long Moab. Olketa gohed fo sore an krae long dae blong hem go kasem teti de wea hem nao en blong olketa de fo krae.

1 Samuel 25:1

Profet Samuel hemi dae, an evriwan long Israel i kam tugeta an krae fo hem. Bihaen, olketa berem hem long ples blong hem long Rama. Bihaen long taem ya, Deved hemi go long drae eria long Paran.