Nambas 20:20 - Pijin Bible

²⁰ Bat paramaon sif blong Idom hemi tok moa olsem, “!Nomoa! !Mifala no save letem yufala!” Den paramaon sif hemi sendem plande soldia fo stopem olketa.

Pijin Deuterocanon

²⁰ Bat paramaon sif blong Idom hemi tok moa olsem, “!Nomoa! !Mifala no save letem yufala!” Den paramaon sif hemi sendem plande soldia fo stopem olketa.

Nambas 20:20 Iomraidhean Croise

Jenesis 27:41

Bihaen, Iso hemi barava no laekem Jekob nao, bikos dadi blong tufala hemi givim olketa blesing finis fo Jekob. Nao hemi gohed fo ting olsem, “Bae no longtaem, dadi blong mi ya hemi dae, an bae mifala gohed fo sore an krae fo hem. Bat bihaen bae mi kilim dae brata blong mi ya.”

Jenesis 32:6

Taem olketa man ya i kambaek, olketa tok olsem long hem, “Mifala go lukim brata blong yu finis. Distaem, hemi lusim ples blong hem nao, an hemi gohed fo wakabaot kam fo mitim yu. An hemi garem 400 man wea olketa kam wetem hem.”

Sams 120:7

Dastawe nao, nomata mi tokabaotem piis, bat yufala laek fo faet nomoa. (Singsing blong Deved. Olketa singim disfala singsing taem olketa goap fo fist long Jerusalem.)

Emos 1:11

Yawe hemi tok olsem, ?Bikos olketa pipol blong Idom i gohed fo sin olowe nomoa, mi mas talem tru long yufala wea bae mi panisim olketa fo disfala ravis wei blong olketa. Bikos olketa i brata blong yufala nomoa, bat olketa gohed nomoa fo aftarem yufala fo kilim yufala dae, an bikos kros blong olketa long yufala hemi bikfala tumas, wea hemi barava olsem faea wea hemi no save dae,

Nambas 20:18

Bat paramaon sif blong Idom hemi tok olsem, “!Nomoa! !Mifala no save letem yufala fo kam tru long eria blong mifala. Sapos yufala kam, bae mifala faetem yufala.”

Nambas 20:21

So bikos paramaon sif ya hemi nating letem pipol blong Israel fo gotru long eria blong hem, olketa taneraon an falom narafala rod.

Jajis 11:17

Olketa sendem toktok go long paramaon sif blong Idom an askem hem fo letem pipol blong Israel fo gotru long lan blong Idom, bat hemi no letem. An olketa askem tu paramaon sif blong Moab fo letem olketa gotru long lan blong Moab, bat hem tu hemi no letem. So olketa stap nomoa long Kades bikos no eniwan hemi letem olketa fo gotru long olketa ples ya.

Jajis 11:20

Bat paramaon sif ya hemi no letem bikos hemi no trastem olketa. So hemi kolem olketa soldia blong hem fo kam tugeta long ples olketa kolem Jahas. An olketa go faetem olketa grani blong mifala.