Nambas 20:10 - Pijin Bible

¹⁰ Den tufala kolem olketa pipol fo kamap tugeta long frant long datfala bikfala ston, an Mosis hemi tok olsem, “!Yufala bikhed pipol, yufala lisin! ?Waswe, mitufala bae mekem wata fo kamaot long disfala ston mekem yufala dring?”

Pijin Deuterocanon

¹⁰ Den tufala kolem olketa pipol fo kamap tugeta long frant long datfala bikfala ston, an Mosis hemi tok olsem, “!Yufala bikhed pipol, yufala lisin! ?Waswe, mitufala bae mekem wata fo kamaot long disfala ston mekem yufala dring?”

Nambas 20:10 Iomraidhean Croise

Jenesis 40:8

An tufala tok olsem, “Yu save, lasnaet, mitufala drim, bat no eni man long ples ya hemi save talemaot mining blong tufala drim ya long mitufala.” Nao hemi tok olsem long tufala ya, “God seleva nomoa hemi garem paoa fo talemaot mining blong drim. Bat yutufala traem fo talem kam tufala drim ya long mi.”

Jenesis 41:16

Bat Josef hemi tok olsem, “Mi no save talemaot mining blong olketa drim ya. Bat God nao bae hemi talemaot mining long drim blong yu ya, wea bae yu save hapi long hem.”

Sams 78:16

Hemi mekem wata ya wea hemi kamaot long olketa ston fo hemi ran godaon, olsem wanfala bikfala riva.

Eksodas 17:6

Bae mi stanap frant long yu antap long ston ya long maonten long Saenae. Yu mas hitim datfala ston wetem wokingstik ya, an bae wata hemi kamaot long hem mekem olketa pipol ya save dring.” An Mosis hemi duim diswan frant long olketa lida ya blong Israel.

Nambas 20:24

“Eron, bae hemi no save go kasem disfala lan wea mi bin promis fo givim long yufala. Bae hemi dae long hia, bikos yutufala agensim mi an no obeim toktok blong mi long Meriba.

Matiu 5:22

Bat mi ya, mi talem long yufala, sapos eniwan hemi kros long brata blong hem, bae olketa tekem hem go long kot mekem olketa panisim hem. An sapos eniwan hemi tokspoelem brata blong hem, bae olketa tekem hem go long Kansol mekem olketa panisim hem. An sapos eniwan hemi suea nogud long brata blong hem, bae hemi mas go long faea long hel.

1 Korin 3:7

Nomata hu nao i plantem olketa sid an hu nao i watarem, bikfala samting nao hemi God wea hemi mekem olketa fo grou.

Efesas 4:26

“Sapos yufala filkros, yufala mas no letem kros blong yufala fo mekem yufala duim wanem hemi rong.” Yufala mas no gohed fo kros kasem taem san hemi godaon.

Diutronomi 9:24

Stat long taem wea mi save long yufala, kam kasem distaem, olowe nao yufala bin agensim Yawe.

Jemes 3:2

Yumi evriwan save duim olketa rong samting. Sapos wanfala man hemi no save talem eni nogud samting, man ya nao hemi barava gud tumas, an hem nao hemi barava save lukaftarem laef blong hem gudfala.