Nambas 19:9 - Pijin Bible

⁹ Den wanfala man hu hemi klin long ae blong mi hemi mas tekem asis blong buluka an hemi mas putum long wanfala sefples wea hemi klin long ae blong mi, an wea hemi aotsaet from ples wea yufala stap long hem. Olketa asis ya, yufala mas yusim fo mekem tambu wata wea yufala yusim fo tekemaot sin blong yufala an kamap klin long ae blong mi.

Pijin Deuterocanon

⁹ Den wanfala man hu hemi klin long ae blong mi hemi mas tekem asis blong buluka an hemi mas putum long wanfala sefples wea hemi klin long ae blong mi, an wea hemi aotsaet from ples wea yufala stap long hem. Olketa asis ya, yufala mas yusim fo mekem tambu wata wea yufala yusim fo tekemaot sin blong yufala an kamap klin long ae blong mi.

Nambas 19:9 Iomraidhean Croise

Levitikas 15:20

An sapos datfala woman hemi sidaon long enisamting, o hemi leidaon long enisamting, oraet, samting ya hemi no klin long ae blong mi.

Sekaraea 13:1

?Long datfala de, bae mi openem wanfala gudfala springwata, mekem olketa laen blong Deved an olketa pipol blong Jerusalem save yusim fo kamap klin long ae blong mi from olketa sin blong olketa an olketa narafala samting wea i mekem olketa fo kamap no klin.

Nambas 19:13

Sapos samwan hemi tasim bodi blong man dae bat hemi no kamap stret moa long ae blong mi wetem disfala tambu wata, hemi no save go long Tambu Haostent. Bat sapos hemi go long hem, hemi spoelem Tambu Haostent blong mi Yawe, so hem mas finis from pipol blong Israel.

Nambas 19:17

“Taem eniwan o enisamting hemi kamap olsem hemi no klin long ae blong mi, oraet samfala nara man mas miksim asis blong red buluka wetem wata blong springwata long wanfala pot.

Nambas 19:18

Den man hu hemi klin long ae blong mi, hemi mas tekem brans blong hisop tri an yusim hem fo splasem go isi disfala tambu wata long haostent an olketa samting blong hem wea hemi no klin long ae blong mi bikos man hemi dae long hem. An hemi mas splasem go isi tu long eni man hu hemi nating klin bikos hemi tasim bon blong man dae, o bodi blong hem, o beregraon blong hem.

Nambas 19:3

Yufala mas givim disfala buluka long prist ya Eleasa. An hemi mas tekem go aotsaet from ples wea yufala stap long hem, an hemi mas kilim dae disfala buluka.

Nambas 19:8

An man hu hemi bonem buluka ya, hem tu hemi mas wasim kaleko blong hem, an hemi mas suim. Bat bae hem tu hemi no klin long ae blong mi yet go-go kasem taem san hemi godaon.

Nambas 6:12

Hemi mas mekem mektambu long hem seleva fo mi olsem hemi duim fastaem. Bat taem blong disfala tambu blong hem mas stat moa bikos disfala dae hemi spoelem hem. An hemi mas tekem kam wanfala smolfala sipsip wea hemi kasem wan yia fo mekem wanfala kompensesin sakrifaes.

Nambas 8:7

Wei fo mekem olketa kamap klin hemi olsem: Eron mas tekem wata fo mekem olketa samting i klin long ae blong mi, an hemi mas splasem go isi long olketa, an hemi mas mekem olketa fo resarem evri hea blong olketa, stat long hed go kasem lek blong olketa, an olketa mas go wasim olketa kaleko blong olketa. Long disfala wei bae olketa kamap klin long ae blong mi.

Nambas 9:13

Bat maet samwan long yufala hemi nating mekem fist ya nomata hemi klin long ae blong mi, an hemi no go-go long farawe ples. Sapos olsem, disfala man hemi mas finis from pipol blong Israel bikos hemi nating givim eni ofaring kam long mi long barava taem. Datfala man hemi fit fo panis from sin blong hem.

2 Korin 5:21

Kraes hemi no garem eni sin. Bat fo helpem yumi, God hemi mekem Kraes nao fo karim sin blong yumi. Long wei ya nao, hemi mekem yumi hu i stap joen wetem Kraes fo kamap stret olsem God.

2 Korin 7:1

Olketa gudfala fren, hem nao olketa promis wea God hemi givim fo yumi. Dastawe yumi mas mekem yumi seleva fo klin long evrisamting wea hemi save mekem bodi o tingting blong yumi fo no klin. An bikos yumi tinghae tumas long God, yumi mas falom wei wea hemi barava holi.

Hibrus 7:26

Jisas nao hemi Haeprist hu hemi barava fit fo helpem yumi. Bikos Jisas hemi holi, wea hemi no garem eni sin an wei blong hem hemi stret olowe nomoa. An God hemi putum hem hae antap long heven wea hemi stap deferen from olketa pipol hu i garem sin.

Hibrus 9:13

Olketa prist olketa save tekem blad blong nanigot an buluka wetem asis blong yangfala buluka wea olketa bonem finis, an olketa splasem go long man hu hemi no klin long ae blong God. Diswan hemi save mekem man fo klin nomoa long aotsaet blong hem.