Nambas 19:19 - Pijin Bible

¹⁹ Klin man ya hemi mas splasem go isi disfala tambu wata long man hu hemi no klin long mektri de an long mekseven de blong hem. So long mekseven de bae man hu hemi no bin klin hemi kamap stret moa long ae blong mi. Hemi mas wasim olketa kaleko blong hem, an hemi mas suim mekem bodi blong hem hemi klin. So long taem wea san hemi godaon hemi jes kamap klin moa long ae blong mi.

Pijin Deuterocanon

¹⁹ Klin man ya hemi mas splasem go isi disfala tambu wata long man hu hemi no klin long mektri de an long mekseven de blong hem. So long mekseven de bae man hu hemi no bin klin hemi kamap stret moa long ae blong mi. Hemi mas wasim olketa kaleko blong hem, an hemi mas suim mekem bodi blong hem hemi klin. So long taem wea san hemi godaon hemi jes kamap klin moa long ae blong mi.

Nambas 19:19 Iomraidhean Croise

Jenesis 2:2

Waka ya blong God hemi finis nao, an long mekseven de hemi res.

Eksodas 19:10

An Yawe hemi tok olsem long hem, “Yu gobaek moa long olketa pipol an talem olketa dat tude an tumoro, bae yu mektambu long olketa, mekem olketa save mekem wosip long mi. Olketa mas wasim olketa kaleko blong olketa tu,

Esikiel 36:25

Bae hemi olsem wea mi torowem klin wata long yufala fo mekem yufala klin from olketa ravis wei blong yufala an olketa ravis kaving wea yufala gohed fo wosipim.

Levitikas 14:7

an hemi mas torowem lelebet blad seven taem go long man wea hemi laek fo kamap klin long ae blong mi. Den hemi mas talemaot dat man ya hemi klin. Nao hemi mas letem narafala bed fo go fri.

Levitikas 14:9

Den long mekseven de, hemi mas resarem hea long hed blong hem, wetem biad blong hem, an hea long ae blong hem, an evri hea long bodi blong hem, an hemi mas wasim kaleko blong hem, an hemi mas suim. Nao long disfala wei, hemi klin finis long ae blong mi.

Nambas 19:12

Long mektri de, an long mekseven de, hemi mas yusim disfala tambu wata fo mekem hem seleva kamap stret moa long ae blong mi. Bat sapos hemi no duim, bae hemi nating save kamap klin long ae blong mi.

Nambas 19:13

Sapos samwan hemi tasim bodi blong man dae bat hemi no kamap stret moa long ae blong mi wetem disfala tambu wata, hemi no save go long Tambu Haostent. Bat sapos hemi go long hem, hemi spoelem Tambu Haostent blong mi Yawe, so hem mas finis from pipol blong Israel.

Nambas 19:18

Den man hu hemi klin long ae blong mi, hemi mas tekem brans blong hisop tri an yusim hem fo splasem go isi disfala tambu wata long haostent an olketa samting blong hem wea hemi no klin long ae blong mi bikos man hemi dae long hem. An hemi mas splasem go isi tu long eni man hu hemi nating klin bikos hemi tasim bon blong man dae, o bodi blong hem, o beregraon blong hem.

Nambas 31:19

“Oraet, yufala evriwan hu i bin kilim dae eniwan, o tasim ded bodi, bae yufala mas stap aotsaet from ples blong yumi fo sevenfala de. Nao long mektri de, an long mekseven de, yufala wetem olketa gele wea yufala tekem kam olketa, bae yufala mas mekem yufala seleva fo kamap klin long ae blong Yawe.

Nambas 31:24

An long mekseven de, bae yufala mas wasim olketa kaleko blong yufala, an bae yufala kamap klin long ae blong hem, bifoa yufala save kam insaet long ples blong yumi.”

Taetas 2:14

Jisas Kraes hemi letem hem seleva fo dae fo sensim yumi an peimaot yumi evriwan from evri sin blong yumi. Hemi mekem laef blong yumi barava klin, mekem yumi kamap pipol blong hem an barava wande duim evri gud samting.

Hibrus 10:22

Hemi bin mekem tingting blong yumi fo kamap klin an no filsem moa, an hemi mekem bodi blong yumi tu fo kamap klin wetem gudfala wata. So yumi mas kam kolsap long God nao, wea yumi garem gudfala tingting an biliv blong yumi hemi barava strong.

1 Jon 1:7

Bat sapos yumi falom wei blong laet olsem God hemi long laet, bae yumi save stapgud tugeta olowe. An bae blad blong Jisas San Blong God, hemi mekem yumi barava klin from evri sin blong yumi.

Jiud 1:23

An sapos samfala kolsap fo lusim biliv blong olketa, wea hemi olsem olketa foldaon insaet long faea, yufala mas kuiktaem fo pulum olketa kambaek from rong wei ya, mekem yufala sevem olketa. Nao samfala pipol ya, ravis wei blong olketa nao hemi barava rulim laef blong olketa. Yufala mas sore an kaen long olketa tu, bat yufala mas lukaot long olketa, nogud eniwan long yufala hemi stat fo falom olketa ravis wei blong olketa ya.