Nambas 19:16 - Pijin Bible

¹⁶ “An sapos eniwan hemi stap long open ples, an hemi tasim man wea hemi dae long faet, o long eni narafala samting, o hemi tasim bon blong man dae, o hemi tasim beregraon blong man dae, datfala man tu bae hemi no klin long ae blong mi fo sevenfala de.

Pijin Deuterocanon

¹⁶ “An sapos eniwan hemi stap long open ples, an hemi tasim man wea hemi dae long faet, o long eni narafala samting, o hemi tasim bon blong man dae, o hemi tasim beregraon blong man dae, datfala man tu bae hemi no klin long ae blong mi fo sevenfala de.

Nambas 19:16 Iomraidhean Croise

Aesaea 52:11

!Kamaot! !Kamaot from datfala ravis ples! !Yufala mas no tasim enisamting wea hemi no klin long ae blong God! Yufala hu i karim kam olketa holi samting long Tambuhaos blong Yawe, yufala mas kamaot from datfala ples an yufala mas kamap klin moa long ae blong God.

Esikiel 44:26

An taem hemi kamap klin moa, hemi mas weit fo sevenfala de moa.

Levitikas 21:1

Yawe tok olsem long Mosis, “Talem toktok blong mi long Eron wetem olketa prist long laen blong hem. Taem wantok blong prist hemi dae, datfala prist mas no go kolsap long bodi, bikos bae hemi mekem hem fo no klin long ae blong mi.

Nambas 19:11

Yawe hemi gohed fo tok olsem, “Eniwan hu hemi tasim bodi blong man dae, bae hemi no klin long ae blong mi fo sevenfala de.

Nambas 19:15

An long datfala haostent olketa kontena an sospen wea no eni kava i stap long hem, i no klin long ae blong mi.

Nambas 31:19

“Oraet, yufala evriwan hu i bin kilim dae eniwan, o tasim ded bodi, bae yufala mas stap aotsaet from ples blong yumi fo sevenfala de. Nao long mektri de, an long mekseven de, yufala wetem olketa gele wea yufala tekem kam olketa, bae yufala mas mekem yufala seleva fo kamap klin long ae blong Yawe.

Nambas 5:2

“Talem pipol blong Israel fo sendemaot from ples blong olketa eniwan hu hemi garem ravis sik long skin, o hemi garem sik wea nana hemi kamaot from hem, o hemi tasim ded bodi.

Nambas 6:6

An olowe taem hemi wanfala Nasiraet, hemi mas no go kolsap long eni ded bodi.

Nambas 9:6

Bat long datfala taem, samfala long olketa i no klin long ae blong Yawe bikos olketa bin tasim bodi blong man dae, so hemi mekem olketa fo no save joen long fist long barava de blong hem. An olketa go lukim Mosis wetem Eron, an olketa tok olsem long tufala,

Matiu 23:27

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala nao olsem olketa grev wea olketa pendam waet nomoa. Long aotsaet olketa lukgud tumas, bat long insaet olketa fulap long olketa bon an roten bodi blong pipol hu i dae finis.

Gudnius abaotem Jisas Kraes wea Luk hemi raetem 11:44

!Yufala lukaot! Bikos yufala olsem olketa grev wea olketa no bin makem gudfala, so olketa pipol i no lukim an olketa step antap long olketa, an hemi mekem olketa fo no klin.”