Nambas 19:11 - Pijin Bible

¹¹ Yawe hemi gohed fo tok olsem, “Eniwan hu hemi tasim bodi blong man dae, bae hemi no klin long ae blong mi fo sevenfala de.

Pijin Deuterocanon

¹¹ Yawe hemi gohed fo tok olsem, “Eniwan hu hemi tasim bodi blong man dae, bae hemi no klin long ae blong mi fo sevenfala de.

Nambas 19:11 Iomraidhean Croise

Aesaea 52:11

!Kamaot! !Kamaot from datfala ravis ples! !Yufala mas no tasim enisamting wea hemi no klin long ae blong God! Yufala hu i karim kam olketa holi samting long Tambuhaos blong Yawe, yufala mas kamaot from datfala ples an yufala mas kamap klin moa long ae blong God.

Lamentesin 4:14

Distaem olketa lida ya i go olobaot long olketa rod olsem blaen man. Han blong olketa nao i fulap long blad, mekem pipol i les fo tasim olketa, nomata kaleko blong olketa tu.

Esikiel 39:12

Bae olketa pipol blong Israel gohed fo berem olketa fo sevenfala mans, fo mekem lan hemi kamap klin moa.

Esikiel 44:26

An taem hemi kamap klin moa, hemi mas weit fo sevenfala de moa.

Levitikas 11:31

Sapos eniwan hemi tasim bodi blong eni animol olsem wea hemi dae, oraet, bae hemi no klin long ae blong mi go-go kasem ivining.

Levitikas 21:1

Yawe tok olsem long Mosis, “Talem toktok blong mi long Eron wetem olketa prist long laen blong hem. Taem wantok blong prist hemi dae, datfala prist mas no go kolsap long bodi, bikos bae hemi mekem hem fo no klin long ae blong mi.

Levitikas 22:4

“Sapos eniwan long olketa prist hemi garem ravis sik long skin, o hemi garem sik wea nana hemi ranaot from samting blong man, prist ya hemi no klin long ae blong mi, an hemi mas no kaikaim eni pat long tambu kaikai go-go kasem taem wea hemi kamap klin moa. An sapos eni prist hemi tasim enisamting wea hemi no klin bikos i bin tasim man dae, o wata blong prist ya hemi kamaot from bodi blong hem,

Levitikas 5:2

“Sapos wanfala man hemi tasim bodi blong enikaen animol wea hemi no klin long ae blong mi an hemi dae finis, bat hemi no save, oraet, diswan hemi mekem hem no klin long ae blong mi an fitim fo hemi panis fo hem.

Hagae 2:13

Nao Hagae hemi ask moa olsem, ??Sapos wanfala man hemi tasim ded bodi, an hemi jes tasim eni kaikai olsem, waswe, bae kaikai ya hemi kamap no klin long ae blong God?? Olketa prist i ansa olsem, ?Ya, hemi no klin nao.?

Nambas 19:16

“An sapos eniwan hemi stap long open ples, an hemi tasim man wea hemi dae long faet, o long eni narafala samting, o hemi tasim bon blong man dae, o hemi tasim beregraon blong man dae, datfala man tu bae hemi no klin long ae blong mi fo sevenfala de.

Nambas 31:19

“Oraet, yufala evriwan hu i bin kilim dae eniwan, o tasim ded bodi, bae yufala mas stap aotsaet from ples blong yumi fo sevenfala de. Nao long mektri de, an long mekseven de, yufala wetem olketa gele wea yufala tekem kam olketa, bae yufala mas mekem yufala seleva fo kamap klin long ae blong Yawe.

Nambas 5:2

“Talem pipol blong Israel fo sendemaot from ples blong olketa eniwan hu hemi garem ravis sik long skin, o hemi garem sik wea nana hemi kamaot from hem, o hemi tasim ded bodi.

Nambas 6:6

An olowe taem hemi wanfala Nasiraet, hemi mas no go kolsap long eni ded bodi.

Nambas 9:10

“Rul blong yufala wetem olketa wea bae i bon kam bihaen long yufala hemi olsem: Long taem blong Fist blong Pasova, eniwan long yufala hu hemi no klin long ae blong mi bikos hemi tasim bodi blong man dae, o hemi wakabaot go long wanfala farawe ples, bae hemi save mekem fist ya, bat hemi mas mekem long mekfotin de long mektu mans. Olketa mas kaikaim mit blong smolfala sipsip wetem olketa bred wea no eni yist long hem, an olketa saoa lif.

Nambas 9:6

Bat long datfala taem, samfala long olketa i no klin long ae blong Yawe bikos olketa bin tasim bodi blong man dae, so hemi mekem olketa fo no save joen long fist long barava de blong hem. An olketa go lukim Mosis wetem Eron, an olketa tok olsem long tufala,

Aposol 21:26

Long neks de nomoa, Pol hemi joenem fofala man ya nao an olketa falom disfala wei fo kamap klin long ae blong God. Bihaen, hemi go long disfala Tambuhaos blong God, an hemi talem olketa prist long wataem nao bae olketa sevenfala de fo ka-kamap klin bae olketa finis, mekem olketa prist save mekem sakrifaes fo evriwan long olketa.

Aposol 21:27

Nao taem sevenfala de ya hemi kolsap go finis nomoa, samfala Jiu blong provins long Esia olketa lukim Pol insaet long Tambuhaos ya nao. So olketa go kasholem Pol, an olketa mekem olketa pipol hu i stap ya fo olketa kamap kros tumas long Pol nao.

Leta wea Pol hemi raetem go long sios long Rom 5:12

Sin hemi kam insaet long wol falom rong blong wanfala man nomoa, an sin nao hemi mekem hem dae. An long sem wei nao, evri pipol mas dae bikos evriwan sin finis.

2 Korin 6:17

Dastawe Masta hemi sei olsem, “Yufala mas lusim olketa nara pipol, an yufala mas no stap kolsap long olketa. Yufala mas no tasim enisamting wea hemi no klin. Sapos yufala falom diswan, bae mi hapi long yufala.

Efesas 2:1

Long bifoa, yufala bin stap dae nomoa bikos yufala no obeim God an yufala gohed fo sin.

Hibrus 9:14

!Bat blad blong Kraes hemi garem bikfala paoa moa! Long paoa blong Holi Spirit wea hemi stap oltaem, Kraes hemi givim laef blong hem seleva long God, olsem wanfala sakrifaes wea hemi barava gudfala. An blad blong hem hemi mekem tingting blong yumi fo kamap klin an no filsem moa, mekem yumi lusim olketa ravis wei wea yumi save dae long hem. An from diswan nao, yumi save waka fo God hu hemi givim laef.