Nambas 18:16 - Pijin Bible

¹⁶ Taem pikinini boe hemi kasem wan mans, dadi blong hem hemi mas peim hem aot long mi. An praes wea mi putum hemi faefala silva seleni wea olketa skelem long spesol skel blong prist. Disfala silva seleni hemi mas hevi olsem tuentifala smol seleni wea olketa kolem gera.

Pijin Deuterocanon

¹⁶ Taem pikinini boe hemi kasem wan mans, dadi blong hem hemi mas peim hem aot long mi. An praes wea mi putum hemi faefala silva seleni wea olketa skelem long spesol skel blong prist. Disfala silva seleni hemi mas hevi olsem tuentifala smol seleni wea olketa kolem gera.

Nambas 18:16 Iomraidhean Croise

Eksodas 30:13

Evriwan wea yu kaontem, hemi mas givim kam wanfala silva seleni wea hevi blong hem hemi haf long wanfala sekel wea olketa skelem long spesol skel blong prist. Disfala silva seleni nao hemi wanfala ofaring long mi Yawe.

Eksodas 38:24

Olketa gol wea olketa pipol i mektambu long hem fo givim go long Yawe, wea olketa yusim long Tambu Haostent blong hem, hevi blong hem hemi kasem 995 kilo. Taem olketa skelem olketa gol ya, olketa yusim spesol skel blong olketa prist.

Levitikas 27:25

“Eniwan hu hemi laek fo peimaot eni man o enisamting fo go fri, hemi mas peimaot long praes wea prist hemi makem long silva seleni wea olketa skelem long spesol skel blong prist.

Nambas 18:15

An evri fasbon boe blong olketa, an evri fasbon pikinini blong olketa animol blong olketa wea olketa givim kam long mi Yawe, olketa tu i blong yufala. Bat yu mas letem olketa fo peimaot evri fasbon boe blong olketa, an evri fasbon blong eni animol wea hemi no klin long ae blong mi.

Nambas 18:17

Bat olketa fasbon buluka, an sipsip, an nanigot, olketa no save peimaot. Olketa samting ya i tambu an olketa blong mi. Kaen animol olsem, yu mas tekem blad blong hem, an yu splasem isi long saet blong olta, an yu mas bonem gris blong olketa antap long olta fo mekem tambu ofaring, an gudfala smel blong hem bae hemi mekem mi hapi tumas.

Nambas 3:46

Bat bikos olketa fasbon blong olketa narafala traeb i 272 moa winim namba blong olketa long traeb blong Livae, bae olketa narafala traeb ya mas peimaot olketa fasbon blong olketa.

Nambas 3:47

An praes blong olketa, hemi faev silva seleni fo wanfala. Olketa mas yusim silva seleni wea olketa bin skelem long spesol skel blong prist.