Nambas 17:11 - Pijin Bible

¹¹ Nao hemi duim barava olsem wea Yawe hemi bin talem.

Pijin Deuterocanon

¹¹ Nao hemi duim barava olsem wea Yawe hemi bin talem.

Nambas 17:11 Iomraidhean Croise

2 Kronikols 19:10

An taem olketa wantok from olketa taon long Jiuda i kam long yufala fo yufala stretem olketa trabol blong olketa, yufala mas wonem olketa fo falom stretfala wei, an no sin agensim Yawe. Nomata hemi trabol long wei wea man hemi dae, o raoa long enikaen lo o toktok blong Yawe, yufala mas wonem olketa. Sapos yufala no wonem olketa, Yawe bae hemi kros long yufala an long olketa wantok tu. Bat sapos yufala wonem olketa olsem, bae yufala no save garem trabol long hem.

Levitikas 16:15

“An bihaen, hemi mas kilim dae nanigot blong sakrifaes fo mekem yufala stret moa long ae blong mi, an hemi mas tekem kam blad blong hem insaet long Barava Tambu Rum, an hemi mas splasem lelebet go long kava blong Tambu Boks, an long graon long frant long Tambu Boks, olsem wea hemi bin duim long blad blong buluka.

Levitikas 16:16

So long disfala wei, hae prist hemi save mekem Barava Tambu Rum fo kamap klin moa long ae blong mi. Hemi mas duim olsem from olketa sin blong pipol blong Israel an bikos olketa no klin long ae blong mi. An hemi mas mekem semsamting long Tambu Haostent bikos hemi stap midol long ples blong olketa hu i no klin long ae blong mi.

Nambas 11:33

Bat taem samfala gohed fo kaikaim mit ya, Yawe hemi kros long olketa an hemi sendem kam wanfala ravis sik long olketa wea hemi mekem plande long olketa fo dae.

Nambas 17:10

An Yawe hemi tok olsem moa long Mosis, “Yu tekem wokingstik blong Eron an putum gobaek moa long frant long Tambu Boks. Bae yu kipim long dea fo mekem saen long ae blong olketa hu i gohed fo komplen kam long mi. An bae disfala wokingstik hemi som olsem sapos olketa nating stopem komplen blong olketa, bae olketa dae.”

Nambas 17:12

An olketa pipol i singaot olsem long Mosis, “!Sei! !Bae mifala evriwan dae!