Nambas 16:32 - Pijin Bible

³² An tufala wetem olketa famili blong tufala, an pipol blong Kora, evriwan i foldaon go insaet long hol wetem evrisamting blong olketa.

Pijin Deuterocanon

³² An tufala wetem olketa famili blong tufala, an pipol blong Kora, evriwan i foldaon go insaet long hol wetem evrisamting blong olketa.

Nambas 16:32 Iomraidhean Croise

Jenesis 4:11

!Taem yu kilim dae brata blong yu ya, blad blong hem hemi ran go daon long graon an graon ya hemi open fo tekem blad blong hem, an from samting ya, bae trabol hemi mas kasem yu. Taem yu wakem gaden blong yu bae hemi no save garem kaikai. Distaem, yu no garem eni ples moa long disfala wol ya, oltaem long laef blong yu, bae yu mas gohed fo wakabaot olobaot nomoa.”

1 Kronikols 6:22

Laen blong Kohat hemi olsem: Kohat hemi bonem Aminadab, an Aminadab hemi bonem Kora, an Kora hemi bonem Asia,

Sams 106:17

So long taem ya, graon hemi open bikfala, an Datan an Abiram wetem famili blong tufala an samfala moa hu i saetem olketa, olketa nao i foldaon insaet long hol ya, an graon ya hemi berem olketa.

Sams 141:7

Taem olketa ya i dae, bae olketa bon blong olketa i stap olobaot nomoa long beregraon olsem stik wea man hemi splitim long olketa smolfala pisis.

Sams 84:1

!Lod Yawe hu hemi garem evri paoa, mi laekem tumas Tambuhaos blong yu!

Sams 85:1

Lod Yawe, bifoa ya yu bin hapi tumas long mifala hu i stap long lan blong yu. Dastawe, yu bin mekem laef blong mifala Israel pipol fo kamap gudfala moa.

Sams 88:1

Lod Yawe, yu nao yu God blong mi hu hemi sevem mi. Long de an long naet, mi gohed fo sore an krae bikfala go long yu mekem yu helpem mi.

Aesaea 24:19

Bae graon ya hemi seksek go-go hemi brek, an bae hemi garem bikfala hol long hem.

Aesaea 5:14

Grev hemi openem maos blong hem bikfala olsem wanfala wael animol hemi kaikai taem hemi hanggre tumas. An nomata pipol i garem biknem o nomoa, bae olketa go insaet long Grev wetem olketa pipol hu i hipap long taon an meknoes olobaot.

Nambas 16:17

Evriwan long olketa 250 lida hu i saet wetem yu mas tekem kam dis blong olketa seleva, an bae evriwan mas bonem insens long dis ya long frant long Yawe. An yu an Eron mas tekem kam dis blong yutufala tu.”

Nambas 16:30

Bat sapos hemi mekem samting wea hemi barava luk deferen an no eniwan hemi lukim yet, oraet, bae yufala save olsem wea olketa ya i bin tokspoelem Yawe. Ya, sapos graon hemi open bikfala an olketa foldaon go insaet long hol ya wetem evrisamting blong olketa, an graon hemi berem olketa wea i laef yet, an olketa godaon long ples blong olketa man dae, oraet, bae yufala save olsem wea olketa ya i bin tokspoelem Yawe.”

Nambas 16:31

Taem Mosis hemi talem toktok ya finis, seknomoa, graon hemi brek, an open bikfala barava andanit long Datan an Abiram.

Nambas 16:33

An graon hemi berem olketa nomata olketa laef yet. Olketa godaon long ples blong olketa man dae wetem evrisamting blong olketa. Graon ya hemi berem olketa, an olketa lus nao.

Nambas 16:49

Namba blong olketa hu i dae long datfala taem hemi kasem 14,700, bat olketa no kaontem olketa hu i dae long trabol blong Kora.

Nambas 26:10

An long taem wea faea hemi kilim dae Kora wetem 250 man blong hem, an graon hemi open fo sualomdaon olketa, tufala tu i dae wetem Kora. Diswan hemi olsem wanfala woning fo olketa pipol hu i agensim Yawe.

Nambas 26:11

Bat olketa pikinini blong Kora i no dae long datfala taem.

Nambas 27:3

An olketa woman ya i kam long olketa bikman an tok olsem, “Dadi blong mifala hemi dae long drae eria. Hemi nating falom olketa wea i saetem Kora fo agensim Yawe. Hemi dae nomoa from sin blong hem seleva. An yufala save, hemi no garem eni pikinini boe.

Nambas 4:18

“Taem olketa long laen blong Kohat i kam fo karim olketa samting wea i barava tambu fogud, yutufala mas lukaot gudfala, nogud laen ya hemi lus from traeb blong Livae. Yutufala mas duim evrisamting long stretfala wei mekem olketa stap laef taem olketa kam kolsap long olketa tambu samting. Eron, wetem tufala san blong hem nomoa, trifala mas kam insaet fastaem fo givimaot waka blong olketa. An trifala mas talemaot evrisamting wea bae olketa mas karim, bikos sapos olketa kam insaet long Tambu Haostent an lukim olketa tambu samting, nomata hemi lelebet taem nomoa, bae olketa dae long hem.”

Diutronomi 11:6

Olketa pikinini blong yufala nao no lukim wanem Yawe hemi duim fo panisim Datan an Abiram, tufala san blong Eliab blong traeb blong Ruben, bat yufala ya lukim graon hemi open, an tufala ya wetem olketa famili blong tufala, an olketa haostent blong tufala, an olketa animol blong tufala i foldaon go insaet long graon.

Revelesin 12:16

Bat graon nao hemi helpem woman ya. Wanfala bikfala hol nao hemi open long graon, an evri wata wea i kamaot long maos blong bikfala snek ya, hemi godaon falom hol ya.