Nambas 15:8 - Pijin Bible

⁸ “An taem eniwan hemi tekem wanfala man buluka fo mekem sakrifaes, nomata hemi barava bone, o hemi bikos hemi bin mekem wanfala strong promis, o fo somaot dat hemi stapgud wetem mi,

Pijin Deuterocanon

⁸ “An taem eniwan hemi tekem wanfala man buluka fo mekem sakrifaes, nomata hemi barava bone, o hemi bikos hemi bin mekem wanfala strong promis, o fo somaot dat hemi stapgud wetem mi,

Nambas 15:8 Iomraidhean Croise

Levitikas 1:3

Yawe hemi gohed fo tok olsem, “Sapos wanfala long yufala hemi laek fo sakrifaesim buluka wea hemi barava bone, hemi mas tekem wanfala manwan wea hemi nating garem enisamting rong long bodi blong hem. Hemi mas givim long mi long doa blong Tambu Haostent kolsap long ples wea Olta fo Bonem Sakrifaes hemi stap long hem, mekem mi hapi long hem. An man ya hemi mas putum han blong hem long hed blong man buluka an bae mi hapi wetem datfala sakrifaes fo tekemaot sin blong man ya. Oraet, hemi mas kilim man buluka frant long mi, an den prist long laen blong Eron bae hemi tekem blad blong hem an liftimap kam long mi an kapsaetem go long olketa fofala saet blong olta.

Levitikas 22:21

“Taem eniwan hemi mekem sakrifaes fo somaot hemi stapgud wetem mi Yawe nomata hemi sakrifaes bikos hemi bin mekem wanfala strong promis, o sakrifaes wea hemi mekem falom wanem hemi laekem, bae hemi mas ofarem animol wea hemi no garem enisamting rong long bodi blong hem. Sapos nomoa, bae mi nating hapi wetem sakrifaes blong hem.

Levitikas 3:1

Yawe hemi gohed fo tok olsem, “Sapos eniwan long yufala hemi laek fo mekem sakrifaes fo somaot dat hemi stapgud wetem mi, hemi save tekem wanfala man o mere buluka wea hemi nating garem enisamting rong long bodi blong hem, an hemi mas ofarem kam frant long mi.

Levitikas 3:5

Den prist ya hemi mas bonem olketa samting ya long olta, wetem narafala sakrifaes wea hemi barava bonem. Long wei olsem, hemi wanfala tambu samting wea smel blong hem hemi mekem mi Yawe hapi.

Nambas 15:24

“Sapos olketa lida tugeta i brekem lo blong mi wea olketa no tingim fo duim, bat olketa pipol no save long hem, oraet, yufala evriwan mas tekem wanfala yang man buluka fo mekem sakrifaes wea hemi barava bone, an bae mi hapi wetem gudfala smel blong hem. An yufala mas tekem kam flaoa an waen fo ofarem long mi wetem datfala buluka, olsem wea rul hemi talem. An yufala mas sakrifaesim wanfala man nanigot fo mekem yufala stret moa long ae blong mi.

Nambas 15:7

an hemi mas ofarem kam wan an haf lita waen tu fo kapsaetem long olta. Hem nao ofaring wea gudfala smel blong hem hemi mekem mi hapi tumas.

Nambas 15:9

oraet, hemi mas tekem trifala kilo flaoa blong nambawan wit wea hemi miksim wetem tufala lita oliv oel bikos hem nao ofaring long kaikai blong gaden, an hemi mas ofarem kam tufala lita waen tu fo kapsaetem long olta. Hem nao tambu ofaring wea gudfala smel blong hem hemi mekem mi Yawe mi hapi tumas.

Nambas 8:8

Den olketa mas tekem kam wanfala yang man buluka wetem ofaring long flaoa long nambawan wit wetem oel blong hem. An olketa mas tekem kam wanfala yang man buluka blong sakrifaes fo mekem olketa stret moa long ae blong mi.