Nambas 15:27 - Pijin Bible

²⁷ “Sapos wanfala man nomoa hemi brekem lo bat hemi no tingim fo duim, bae hemi mas givim wanfala mere nanigot wea hemi kasem wan yia, fo sakrifaes fo mekem hem stret moa long ae blong mi.

Pijin Deuterocanon

²⁷ “Sapos wanfala man nomoa hemi brekem lo bat hemi no tingim fo duim, bae hemi mas givim wanfala mere nanigot wea hemi kasem wan yia, fo sakrifaes fo mekem hem stret moa long ae blong mi.

Nambas 15:27 Iomraidhean Croise

Levitikas 4:2

fo go tok long pipol blong Israel olsem, “Sapos eniwan hemi duim eni rong samting wea hemi no tingting fo duim bat hemi brekem lo blong Yawe, oraet, hemi mas mekem sakrifaes long olketa wei wea mi talem.”

Nambas 6:14

Long dea hemi mas ofarem kam wanfala man sipsip wea hemi kasem wan yia an hemi no garem enisamting rong long bodi blong hem. Disfala sipsip hemi fo sakrifaes wea hemi barava bone. An hemi mas ofarem tu wanfala mere sipsip wea hemi kasem wan yia an hemi no garem enisamting rong long bodi blong hem. Disfala sipsip hemi fo sakrifaes fo mekem hem stret moa long ae blong mi. An hemi mas ofarem tu wanfala man sipsip wea hemi no garem enisamting rong long bodi blong hem. Disfala man sipsip hemi blong sakrifaes fo somaot dat hemi stapgud wetem mi.

Gudnius abaotem Jisas Kraes wea Luk hemi raetem 12:48

Bat wanfala wakaman wea hemi no save wanem bos blong hem hemi laekem hem fo duim, an hemi duim rong samting ya tu, bae olketa no panisim hem tumas ya. Hemi olsem, bikos man wea God hemi givim plande samting long hem, bae God hemi laekem man ya fo hemi mas mekem plande samting ya. An man wea God hemi givim barava plande samting tumas moa long han blong hem, bae God hemi laekem man ya fo mekem plande samting tumas moa tu.”

Aposol 17:30

Longtaem nao, God hemi kaen tumas an hemi no panisim olketa pipol, nomata olketa nating luksave long hem. Bat distaem nao, hemi tokstrong long evri pipol long evri ples, an hemi sei, ‘!Yufala mas lusim olketa ravis wei blong yufala!’

Aposol 3:17

“Olketa wantok, mi save dat yufala an olketa lida blong yufala tu, yufala no savegud wanem nao yufala duim long taem ya.

1 Timoti 1:13

Hemi tru, long bifoa nao mi save tokspoelem hem an mi mekful tumas long olketa Kristin. Bat nomata olsem, hemi sore long mi wea mi nating save nomoa long wanem mi duim bikos mi no biliv yet long taem ya.