Nambas 15:16 - Pijin Bible

¹⁶ Sem rul ya nomoa, bae yufala an eni strensa i mas falom.”

Pijin Deuterocanon

¹⁶ Sem rul ya nomoa, bae yufala an eni strensa i mas falom.”

Nambas 15:16 Iomraidhean Croise

1 Kings 8:41

“Mi save dat olketa strensa bae herem nius abaotem yu, an wei wea yu garem evri paoa, an wei yu bin duim olketa bikfala samting fo helpem mifala. So maet wanfala man blong narafala kantri wea hemi farawe, hemi kam fo mekhae long nem blong yu, an prea go long disfala Tambuhaos.

Eksodas 12:49

Olketa rul ya hemi fo yufala evriwan, yufala long pipol blong Israel, an olketa strensa hu i kam an stap nomoa wetem yufala.”

Levitikas 24:22

An nomata man ya hemi long laen blong yufala, o hemi strensa wea hemi stap wetem yufala, disfala lo hemi fo yufala evriwan, bikos mi nao Yawe, God blong yufala.”

Levitikas 4:27

“Sapos eniwan hu hemi no lida hemi brekem lo blong mi bat hemi no tingim fo duim, disfala samting hemi mekem hem fo rong long ae blong mi.

Nambas 15:17

Yawe hemi tok moa olsem long Mosis,

Nambas 35:15

Olketa taon fo haed i fo yufala, an fo olketa strensa wea i stap kam wetem yufala. Long wei olsem eniwan nomoa wea hemi no minim fo kilim dae narafala man, hemi save ranawe go fo haed long wanfala long olketa taon ya.

Nambas 9:14

“An sapos eni strensa hemi stap wetem yufala, an hemi laek fo joenem yufala fo mekem Fist blong Pasova, bae hemi mas falom evri rul blong hem. Yufala mas garem wanfala lo nomoa wea hemi fitim evriwan, nomata hemi wanfala long yufala o wanfala strensa.”

Josua 8:33

Long datfala taem tu evri traeb blong Israel, wetem evri lida blong olketa, an evri komanda blong olketa, an evri sif blong olketa, an evri strensa wea i stap wetem olketa, evriwan i divaed long tufala grup. Disfala Tambu Boks long Agrimen blong Yawe wea olketa prist blong traeb blong Livae i karim, hemi stap long midol long tufala grup ya. An tufala grup i fesim Tambu Boks an stanap olsem wea maonten ya long Gerisim hemi bihaen long wanfala grup an maonten ya long Ebal hemi bihaen long narafala grup. Mosis bin talem finis bifoa disfala toktok wea olketa mas stanap redi olsem, mekem olketa prist i blesim olketa.