Nambas 14:45 - Pijin Bible

⁴⁵ Den olketa long laen blong Amalek wetem laen blong Kenan wea i stap long datfala ples, i kam faetem olketa an winim olketa, an olketa ronem olketa olowe go kasem taon long Homa.

Pijin Deuterocanon

⁴⁵ Den olketa long laen blong Amalek wetem laen blong Kenan wea i stap long datfala ples, i kam faetem olketa an winim olketa, an olketa ronem olketa olowe go kasem taon long Homa.

Nambas 14:45 Iomraidhean Croise

Sams 89:43

Yu bin spoelem olketa samting blong hem fo faet, an yu bin letem olketa enemi blong hem fo winim hem long faet.

Eksodas 17:16

An hemi tok olsem, “Olketa bin liftimap han blong olketa agensim Yawe. So, bae Yawe hemi gohed fo faet agensim olketa long laen blong Amalek fo evritaem olowe.”

Nambas 13:29

An mifala lukim dat olketa long laen blong Amalek i stap long saet long saot, an olketa long laen blong Het, wetem laen blong Jebus an laen blong Amoa olketa stap long ples blong maonten, an olketa long laen blong Kenan i stap long saet blong si an long saet blong Jodan Riva.”

Nambas 14:43

Sapos yufala go long ples wea olketa long laen blong Amalek, an olketa long laen blong Kenan, i stap long hem, bae yufala dae nomoa long faet. Yawe hemi nating stap wetem yufala, bikos yufala nating laek fo falom toktok blong hem.”

Nambas 15:1

Yawe hemi givim olketa rul blong sakrifaes long Mosis fo talem long olketa pipol blong Israel fo falom taem olketa kasem lan wea hemi promisim finis fo givim long olketa.

Nambas 21:3

An Yawe hemi herem olketa, an helpem olketa fo winim disfala traeb blong Kenan. So from disfala tambu olketa soldia blong Israel i kilim dae olketa an spoelem finis olketa taon blong olketa. Dastawe olketa kolem datfala eria ya “Homa.”

Diutronomi 1:44

Bat long semtaem, olketa laen blong Amoa wea i stap antap long ples ya i kam aftarem olketa, an faetem olketa, an ronem olketa olsem honet hemi ronem man. Olketa ranawe go kasem ples long Homa long Seia.

Diutronomi 32:30

Tingabaotem kuestin blong mi. ?Hao nao wanfala enemi soldia nomoa, hemi save winim 1,000 man blong yufala? ?Hao nao tufala enemi soldia nomoa, save ronem 10,000 man blong yufala? Yufala mas luksave long hem. Samting olsem hemi kamap bikos Yawe, disfala sefples blong yufala, hemi lusim yufala.

Josua 7:5

Olketa man blong Ai i stat long geit long bikfala wolston blong taon ya an ronem olketa go-go kasem wanfala hil wea olketa digim ston long hem. An taem olketa ronem olketa kamdaon long hil ya, olketa kilim dae teti-siks long olketa soldia blong Josua. Olketa blong Israel i fraet fogud long olketa man ya, an tingting blong olketa hemi barava wikdaon finis nao.

Jajis 1:17

Nao traeb blong Jiuda wetem traeb blong Simion i go fo faetem olketa pipol blong Kenan wea i stap long Sefat. Olketa barava spoelem an bonem taon ya olsem sakrifaes go long God, an bihaen olketa kolem ples ya Homa.

1 Samuel 27:8

Long taem hemi stap long ples ya, Deved wetem olketa man blong hem i save faet go long laen blong Gesua, an long laen blong Gires, an long laen blong Amalek. Olketa stap kam long olketa ples blong olketa stat long Telaem go kasem Sua go moa kasem Ijip.

1 Samuel 30:30

An hemi sendem go tu long olketa lida blong fofala taon olsem, Homa, an Borasan, an Atak,

1 Samuel 4:2

Den olketa blong Filistia i kamaot fo faetem olketa blong Israel. Olketa faet strong tumas, go-go olketa winim Israel, an olketa kilim dae 4,000 man.