Nambas 14:44 - Pijin Bible

⁴⁴ Bat olketa nating fraet fo go, nomata Tambu Boks hemi no go wetem olketa, an Mosis tu hemi no go. Mosis hemi stap nomoa wetem Tambu Boks long ples blong olketa. Olketa man i goap long olketa maonten blong Kenan.

Pijin Deuterocanon

⁴⁴ Bat olketa nating fraet fo go, nomata Tambu Boks hemi no go wetem olketa, an Mosis tu hemi no go. Mosis hemi stap nomoa wetem Tambu Boks long ples blong olketa. Olketa man i goap long olketa maonten blong Kenan.

Nambas 14:44 Iomraidhean Croise

Nambas 10:33

Taem olketa lusim maonten blong Yawe long Saenae, olketa wakabaot fo trifala de. Olketa karim go fastaem disfala Tambu Boks long Spesol Agrimen blong Yawe, mekem Yawe hemi save som ples wea bae olketa stap long hem.

Nambas 14:43

Sapos yufala go long ples wea olketa long laen blong Amalek, an olketa long laen blong Kenan, i stap long hem, bae yufala dae nomoa long faet. Yawe hemi nating stap wetem yufala, bikos yufala nating laek fo falom toktok blong hem.”

Nambas 15:30

“Bat sapos eniwan hemi duim eni rong samting wea hemi tingim fo duim, nomata hemi wanfala long yufala o hemi strensa wea i stap wetem yufala, hem olsem hemi spoelem mi Yawe, so hem mas finis from pipol blong Israel.

Nambas 31:6

Den Mosis hemi sendem olketa fo go long faet. An Mosis hemi siusim prist ya Finehas, san blong Haeprist Eleasa, fo go wetem olketa. Finehas hemi tekem go samfala tambu samting wetem olketa trampet blong faet.

Diutronomi 1:43

Nao mi talemaot toktok ya long olketa olsem wea Yawe hemi talem, bat olketa nating lisin. Olketa agensim hem, an go antap long ples long maonten, bikos olketa i bikhed.