Nambas 12:5 - Pijin Bible

⁵ Yawe hemi kamdaon long wanfala klaod, an stap long doa blong Tambu Haostent. Den hemi kolem kam Eron an Miriam fo kam stanap long frant long hem.

Pijin Deuterocanon

⁵ Yawe hemi kamdaon long wanfala klaod, an stap long doa blong Tambu Haostent. Den hemi kolem kam Eron an Miriam fo kam stanap long frant long hem.

Nambas 12:5 Iomraidhean Croise

Sams 99:7

Hemi tok kam long olketa long wanfala bikfala klaod wea hemi stanap stret. So olketa falom olketa tising wea hemi givim long olketa, an obeim olketa lo blong hem.

Eksodas 19:9

Yawe hemi tok olsem long Mosis, “Bae mi kam long yu long wanfala bikfala klaod, mekem olketa pipol save herem dat mi gohed fo toktok wetem yu. Nao bae olketa gohed fo trastem yu olowe.” Mosis hemi talem go long Yawe toktok blong olketa pipol.

Eksodas 34:5

Oraet, Yawe hemi kamdaon insaet long wanfala bikfala klaod, an hemi stanap wetem Mosis long ples ya, an hemi talemaot tambu nem blong hem ya, Yawe.

Eksodas 40:38

An long datfala taem wea olketa gohed fo muv olobaot long drae eria, oltaem olketa save lukim bikfala klaod ya blong Yawe wea hemi gohed fo kavaremap Tambu Haostent ya long de. An oltaem long naet, olketa save lukim wanfala faea wea hemi gohed fo laet insaet long datfala klaod.

Nambas 11:25

Yawe hemi kamdaon long klaod an hemi toktok wetem Mosis. Hemi tekem samfala paoa blong Spirit blong hem wea hemi bin givim long Mosis bifoa, an givim paoa blong Spirit long seventifala lida ya tu. An taem paoa blong Spirit blong hem hemi kam long olketa, seventifala lida ya i toktok olsem olketa profet, bat olketa duim wanfala taem nomoa.

Nambas 12:4

Seknomoa, Yawe hemi kolem kam Mosis, Eron an Miriam olsem, “Yutrifala mas kam long Tambu Haostent blong mi.” Taem trifala kam,