Nambas 11:7 - Pijin Bible

⁷ Nao disfala mana hemi olsem olketa smolfala waet sid.

Pijin Deuterocanon

⁷ Nao disfala mana hemi olsem olketa smolfala waet sid.

Nambas 11:7 Iomraidhean Croise

Jenesis 2:12

An gol ya hemi klin fogud. Long kantri ya tu olketa gohed fo wakem gudfala insens, an hemi garem staka ston tu wea hemi luknaes tumas.

Eksodas 16:23

bat hemi tok olsem long olketa, “Yawe hemi talem finis dat tumoro hemi Sabat de, an de ya hemi tambu, mekem yumi res fo onarem Yawe. Olketa kaikai wea yufala laek fo kaikaim tude, yufala save bekem o kukim, bat haf wea hemi stap, yufala mas putumgud fo tumoro.”

Eksodas 16:31

Olketa blong Israel i kolem disfala kaikai “Mana”. Mana ya hemi waet, an hemi olsem wankaen smolfala sid. Taem olketa testem, hemi suit olsem bisket wea olketa wakem wetem hani.

Nambas 11:8

An hemi gohed fo foldaon wetem diu long naet long ples wea olketa stap long hem. An evri de, long moning, olketa pipol i go pikimap, an krasim fo mekem hemi kamap olsem flaoa. An olketa kukim, an mekem olketa flat kek. An taem olketa kaikaim, hemi test olsem bred wea olketa kukim long oliv oel.

Revelesin 2:17

‘Eniwan hu hemi garem ia, hemi mas heremgud olketa toktok wea Holi Spirit hemi talem long olketa sios. Eniwan wea hemi winim faet, bae mi givim hem mana fo kaikaim. Hemi disfala mana blong bifoa, wea hemi staphaed. An bae mi givim hem tu wanfala waet ston wea wanfala niu nem hemi stap long hem. Niu nem ya, no eni man nao hemi save long hem, bat man hemi garem ston ya nomoa hemi save long nem ya.’”