Nambas 11:21 - Pijin Bible

²¹ Bat Mosis hemi tok olsem long Yawe, “!Yu save, mi wakabaot tugeta wetem 600,000 man. Bat yu talem dat bae yu givim mit fo mifala wea hemi naf fo wan mans.

Pijin Deuterocanon

²¹ Bat Mosis hemi tok olsem long Yawe, “!Yu save, mi wakabaot tugeta wetem 600,000 man. Bat yu talem dat bae yu givim mit fo mifala wea hemi naf fo wan mans.

Nambas 11:21 Iomraidhean Croise

Jenesis 12:2

Bae mi mekem fo yu garem plande pikinini, bae olketa long laen blong yu i kamap plande fogud. Bae olketa kamap wanfala strongfala laen an bae mi blesim yu. Bae mi mekem nem blong yu hemi kamap bikfala an bae yu kamap olsem wanfala gudfala blesing long evri narafala pipol.

Eksodas 12:37

Olketa pipol blong Israel i goaot nao from taon long Rameses, an olketa wakabaot go long Sukot. Olketa pipol i plande fogud, wea namba blong olketa man nomoa hemi kasem samting olsem 600,000, bat olketa no kaontem olketa woman an olketa pikinini.

Nambas 11:13

Olketa gohed fo krae kam long mi mekem mi givim mit long olketa, bat olketa plande tumas, an mi wanfala man nomoa. Mi no save lukaftarem olketa. ?Wea nao ples bae mi save tekem mit mekem hemi fitim olketa?

Nambas 11:20

Nomoa nao, bae olketa mas kaikaim fo wan ful mans. Nomata mit ya hemi kamaot long nous blong olketa, o maos blong olketa i kamap nogud, an olketa fil taet, an les long hem, olketa mas kaikaim, go-go olketa finisim. Disfala samting hemi hapen long olketa bikos mi stap nomoa long midol long olketa, bat olketa les long mi, an tok agensim mi olsem hemi moabeta sapos olketa stap long Ijip.”

Nambas 11:22

?Waswe, sapos mifala kilim evri buluka wetem olketa sipsip blong mifala, yu tingse bae hemi fit fo olketa kaikaim an fulap? !Sapos mifala go pulum evri fis long solwata, bae hemi nating fitim olketa!”

Nambas 2:32

Namba blong olketa man wea Mosis hemi kaontem falom olketa laen blong olketa, i kasem 603,550.

Nambas 26:51

So namba blong olketa man blong Israel, hemi kasem 601,730.