Nambas 11:18 - Pijin Bible

¹⁸ Bat distaem, yu mas go talem olketa pipol, fo redi an mas mekem olketa fo klin long ae blong mi, bikos tumoro bae olketa kaikaim mit. Mi herem evri toktok wea olketa talem, an krae blong olketa fo mit, an toktok wea olketa talem olsem, bifoa, taem olketa stap long Ijip, hemi moabeta winim disfala ples. Oraet, bae mi givim mit long olketa fo kaikaim.

Pijin Deuterocanon

¹⁸ Bat distaem, yu mas go talem olketa pipol, fo redi an mas mekem olketa fo klin long ae blong mi, bikos tumoro bae olketa kaikaim mit. Mi herem evri toktok wea olketa talem, an krae blong olketa fo mit, an toktok wea olketa talem olsem, bifoa, taem olketa stap long Ijip, hemi moabeta winim disfala ples. Oraet, bae mi givim mit long olketa fo kaikaim.

Nambas 11:18 Iomraidhean Croise

Jenesis 35:2

Nao Jekob hemi tok olsem long famili blong hem an evriwan wea i stap wetem hem, “Yufala mas torowe olketa god ya blong olketa narafala kantri, wea yufala garem long olketa haos blong yufala. Yufala mas mekem yufala seleva klin long ae blong God, an yufala mas werem olketa klin kaleko.

Stori abaotem Job 20:13

Hemi laekem tumas suit test blong hem, so hemi kipim long maos blong hem.

Stori abaotem Job 20:23

Taem hemi kaikaim evrisamting wea hemi laekem, God bae hemi kros an barava panisim hem. So kros blong God bae hemi kamap olsem kaikai blong ravis man.

Sams 78:20

Ya, hemi tru wea God hemi brekem olketa ston, nao wata hemi sut kamaot bikfala, bat hemi no save givim kaikai long yumi ya.”

Eksodas 16:8

Tude long ivining, bae Yawe hemi givim mit long yufala, an tumoro long moning, bae hemi givim staka bred long yufala fitim wanem yufala laekem. Bae Yawe hemi duim olsem bikos hemi herem finis, wea yufala gohed fo komplen agensim hem. ?Mitufala hu ya? Yufala save, taem yufala komplen agensim mitufala, yufala barava komplen agensim Yawe nomoa ya.”

Eksodas 19:10

An Yawe hemi tok olsem long hem, “Yu gobaek moa long olketa pipol an talem olketa dat tude an tumoro, bae yu mektambu long olketa, mekem olketa save mekem wosip long mi. Olketa mas wasim olketa kaleko blong olketa tu,

Eksodas 19:15

Hemi tok olsem long olketa, “Yufala mas mekem yufala redi fo neks tumoro. An yufala mas no slip wetem waef blong yufala go-go kasem datfala taem.”

Eksodas 19:22

Nomata olketa prist hu i save kam kolsap long mi Yawe fo mekem sakrifaes, olketa tu mas mektambu long olketa seleva fastaem. Sapos nomoa, bae mi panisim olketa.”

Nambas 11:1

Wanfala taem, olketa pipol i tok agensim Yawe, bikos olketa garem samfala trabol. An taem hemi herem olketa, hemi kros, an hemi sendem kamdaon faea long midol long olketa, an faea ya hemi stat fo bonem samfala ples wea olketa stap long hem.

Nambas 11:19

An datfala mit bae olketa no save kaikaim fo wanfala de, o tufala de, o faefala de, o tenfala de, o tuentifala de.

Aposol 7:39

“Bat olketa olo blong yumi olketa nating wande fo obeim Mosis nao. Olketa agensim hem an olketa wande fo gobaek long Ijip nomoa.

Josua 7:13

!Yu stanap an go long olketa pipol ya, an talem long olketa fo mekem olketa seleva klin moa long ae blong mi. An yu talem toktok blong mi long olketa olsem: ‘Mi nao Yawe, an mi nao God blong yufala olketa traeb blong Israel. Tumoro, yufala mas kam long mi, bikos yufala kipim nomoa samfala samting wea mi bin talem finis long yufala fo barava bonem. Sapos yufala gohed fo kipim olketa samting ya, bae yufala no save winim olketa enemi blong yufala.

Jajis 21:2

Olketa traeb blong Israel i hipap moa long disfala tambuples long Betel an olketa filsore tumas an krae go-go kasem ivining.