Nambas 10:30 - Pijin Bible

³⁰ Bat Hobab hemi tok olsem, “Nomoa, bae mi gobaek fo stap long ples blong mi wetem olketa famili blong mi.”

Pijin Deuterocanon

³⁰ Bat Hobab hemi tok olsem, “Nomoa, bae mi gobaek fo stap long ples blong mi wetem olketa famili blong mi.”

Nambas 10:30 Iomraidhean Croise

Jenesis 12:1

Nao Yawe hemi tok olsem long Ebram, “Yu mas goaot from ples blong yu ya, an from olketa laen blong yu, an from famili blong dadi blong yu, nao yu mas go long wanfala narafala kantri, wea bae mi som long yu.

Jenesis 31:30

?Mi save dat yu laekem tumas fo gobaek long ples blong yu, bat waswe nao yu stilim olketa smolfala kaving blong god blong mi ya wea olketa stap insaet long haos blong mi?”

Sams 45:10

Yu wea bae yu maritim king ya tude, yu lisin kam long wanem bae mi talem. Yu mas fogetem nao olketa wantok blong yu an olketa famili blong yu tu.

Eksodas 18:27

Nao bihaen, Mosis hemi letem inlo blong hem ya fo hemi gohom. Hemi gudbae long hem, an Jetro hemi gobaek long ples blong hem moa.

Matiu 21:28

Jisas hemi sei moa long olketa, “?Yufala tingting waswe? Wanfala man hemi garem tufala san, an hemi tok olsem long wanfala, ‘!San blong mi, yu go fo waka long plantesin blong grep tri long tude!’

Matiu 21:29

An hemi ansarem olsem, ‘!Nomoa, mi les!’ Bat bihaen, hemi filsore from hemi tok olsem an hemi go fo waka nao.

Gudnius abaotem Jisas Kraes wea Luk hemi raetem 14:26

“Eniwan hu hemi kam long mi wea hemi laek fo kamap disaepol blong mi, hemi mas lavem mi moa winim hao hemi save lavem mami an dadi blong hem an waef blong hem an olketa pikinini blong hem an olketa brata an sista blong hem, an nomata laef blong hem seleva tu.

2 Korin 5:16

So distaem, mifala no jajem eniwan falom wei blong man long wol. Long bifoa, mifala bin jajem Kraes falom wei blong man, bat distaem mifala no duim olsem moa.

Hibrus 11:13

Olketa pipol olsem ya, olketa gohed nomoa fo biliv long God, go-go kasem taem olketa dae. Bat taem olketa stap yet long wol, olketa no tekem nomoa olketa samting wea God hemi promis fo givim long olketa. Hemi olsem wea olketa stap farawe nomoa an lukluk go, an olketa i hapi fo luksave long samting wea bae hemi hapen. An olketa talemaot dat olketa stap long wol ya olsem olketa strensa hu i kam fo visit nomoa.

Hibrus 11:8

Ebraham hemi biliv long God, an dastawe hemi obeim God taem hemi kolem hem. Hemi lusim ples blong hem fo go long nara ples wea bae God hemi givim long hem. Hemi go, nomata hemi no save nomoa long ples wea hemi go-go long hem ya.

Jajis 1:16

Oraet, laen blong dadi inlo blong Mosis wea hemi long laen blong Kein, olketa gogo wetem traeb blong Jiuda. Olketa evriwan i lusim Jeriko wea hemi taon blong pam tri, an olketa go long drae eria long saot kolsap long taon long Arad. An olketa stap long eria ya wetem olketa pipol long dea.