Nambas 1:50 - Pijin Bible

^50-51 Waka blong traeb blong Livae hemi fo lukaftarem Tambu Haostent wetem evrisamting wea i stap long hem. Oltaem olketa mas putumap evri haostent blong olketa raonem Tambu Haostent, an sapos yufala muv go long narafala ples, olketa ya mas karim Tambu Haostent wetem evrisamting. Bae olketa nomoa mas tekemaot Tambu Haostent, an mas putumap moa long eni ples wea bae yufala go long hem. Bat sapos eni narafala man hemi kam insaet long tambuples, yufala mas kilim hem dae.

Pijin Deuterocanon

^50-51 Waka blong traeb blong Livae hemi fo lukaftarem Tambu Haostent wetem evrisamting wea i stap long hem. Oltaem olketa mas putumap evri haostent blong olketa raonem Tambu Haostent, an sapos yufala muv go long narafala ples, olketa ya mas karim Tambu Haostent wetem evrisamting. Bae olketa nomoa mas tekemaot Tambu Haostent, an mas putumap moa long eni ples wea bae yufala go long hem. Bat sapos eni narafala man hemi kam insaet long tambuples, yufala mas kilim hem dae.

Nambas 1:50 Iomraidhean Croise

2 Kronikols 24:6

Den king hemi kolem kam Prist Jehoeada hu hemi lida blong olketa prist. Joas hemi tok olsem long hem, “?Waswe nao yu no sekemap olketa Livaet wea i tekem taks long olketa pipol blong Jerusalem an Jiuda? Hem nao taks wea Mosis hu hemi wakaman blong Yawe hemi bin talem olketa traeb blong Israel mas peim fo lukaftarem Tambu Haostent.”

Nehemaea 12:22

Long taem blong Haeprist Eliasib, an long taem blong Haeprist Joeada, an long taem blong Haeprist Johanan, an long taem blong Haeprist Jadua, olketa bin raetemdaon long wanfala buk, olketa nem blong hed long olketa laen blong olketa Livaet an olketa prist. Olketa finisim disfala rekod long taem wea King Darias hemi rul ovarem Pesia.

Nehemaea 12:47

An long taem blong Serababel, an long taem wea mi Nehemaea nao mi gavna, evri de, olketa pipol blong Israel i gohed fo givim olketa ofaring, mekem olketa Livaet long kuaea long Tambuhaos wetem olketa Livaet hu i sekiuriti long olketa geit blong Tambuhaos, fo garem kaikai an narafala samting wea olketa nidim long evri de. An olketa givim tu olketa spesol ofaring fo olketa narafala Livaet, an olketa Livaet tu i givim haf long wanem olketa tekem fo go long olketa prist wea i bon kam long laen blong Eron, olsem wea Lo blong God hemi talem.

Nehemaea 12:8

Olketa Livaet hu i kambaek wetem tufala ya, nem blong olketa ya hemi olsem: Jesua, an Binui, an Kadmiel, an Serebaea, an Jiuda, an Matanaea hu hemi lidim kuaea wea olketa singim olketa preis singsing, wetem olketa wantok blong hem.

Nehemaea 13:22

Mi talem long olketa Livaet wea i sekiuriti long olketa geit fo go mekem olketa seleva fo klin long ae blong God, den go fo gadem olketa geit ya, mekem olketa pipol i mas kipim Sabat de ya hemi tambu. O God blong mi. From disfala samting tu wea mi duim, plis yu tingim mi an kaen long mi, bikos yu tinghevi long mi tumas.

Sams 122:4

Hem ya nao ples wea yumi olketa pipol blong Yawe i kam fo tengkiu long hem, olsem hemi bin talem.

Eksodas 31:18

Taem Yawe hemi tok finis wetem Mosis antap long maonten long Saenae, hemi tekem tufala flat ston wea hemi bin katem finis Tenkomanmen long tufala, an hemi givim kam long Mosis.

Eksodas 38:21

Hem nao list blong olketa gol, an silva, an bras wea olketa yusim long Tambu Haostent wea olketa kolem tu “Haostent blong Saen long Spesol Agrimen blong Yawe.” Mosis hemi talem Itama, san blong Eron hu hemi prist, fo hemi mekem disfala list, an hemi talem olketa Livaet fo helpem hem.

Nambas 1:53

Bat olketa long traeb blong Livae nao mas stap kolsap raonem Tambu Haostent fo lukaftarem an gadem, mekem no eniwan hemi save kam spoelem hem. Long disfala wei, bae mi no kros long evriwan blong Israel.”

Nambas 10:21

Den olketa long laen blong Kohat i muv goaot an olketa karim evri tambu samting blong Tambu Haostent. An taem olketa kasem niufala ples, olketa long laen blong Geson an Merari i putumap finis Tambu Haostent mekem hemi redi fo olketa tambu samting.

Nambas 17:7

Den hemi go putum tuelfala wokingstik ya insaet long Tambu Haostent long frant long Tambu Boks.

Nambas 18:5

Yu wetem olketa long laen blong yu nomoa i mas duim waka long Tambu Rum an olketa waka blong olta, mekem mi no save kros moa long pipol blong Israel.

Nambas 2:17

“Taem yufala muv go long eni narafala ples, olketa long traeb blong Livae mas karim go Tambu Haostent wetem olketa samting blong hem, an olketa mas wakabaot bihaen long seksin blong Ruben. Olketa mas wakabaot long olketa laen blong olketa wetem flag blong olketa. An long sem wei wea olketa stap raonem Tambu Haostent long midol long olketa narafala traeb, traeb blong Livae mas wakabaot go long midol long olketa narafala traeb.

Nambas 20:11

An hemi liftimap wokingstik an hitim bikfala ston ya tufala taem. Seknomoa, bikfala wata hemi kamaot, an olketa pipol wetem animol blong olketa i gohed fo dring.

Nambas 4:15

Taem yufala redi fo muv go long narafala ples, olketa long laen blong Kohat mas kam karim evrisamting ya. Bat fastaem, Eron wetem tufala san blong hem i mas kavaremap evrisamting fo mekem redi, bikos olketa long laen blong Kohat i no save tasim olketa tambu samting ya. Sapos olketa tasim, bae olketa dae.

Nambas 4:3

an raetemdaon nem blong olketa man hu i teti yia go kasem fifti yia. Hem nao olketa wea i save waka long Tambu Haostent.

Nambas 8:19

An mi givim olketa long Haeprist wetem tufala san blong hem fo helpem trifala. Olketa nao save duim olketa waka long Tambu Haostent fo yufala. Long disfala wei olketa sensim yufala evriwan, mekem trabol hemi no save kasem yufala. Bikos sapos eniwan blong eni narafala traeb hemi kam kolsap tumas long Tambu Haostent bae hem mas dae.”

Nambas 8:20

So Mosis an Haeprist Eron wetem pipol blong Israel i duim evrisamting long olketa long traeb blong Livae olsem wea Yawe hemi bin talem long Mosis.

Nambas 8:22

Bihaen, olketa long traeb blong Livae gohed fo duim olketa waka long Tambu Haostent blong Yawe, an helpem Haeprist Eron wetem tufala san blong hem olsem wea Yawe bin talem Mosis.

Revelesin 15:5

Den mi lukim disfala tambuhaos long heven hemi open, disfala tambu haostent wea God hemi stap long hem.