Gudnius abaotem Jisas Kraes wea Mak hemi raetem 9:5 - Pijin Bible

⁵ So Pita hemi sei long Jisas olsem, “Tisa, hemi gud tumas nao mifala stap long hia. Bae mifala wakem trifala smol haos, wanfala fo yu an wanfala fo Mosis an wanfala fo Elaeja.”

Pijin Deuterocanon

⁵ So Pita hemi sei long Jisas olsem, “Tisa, hemi gud tumas nao mifala stap long hia. Bae mifala wakem trifala smol haos, wanfala fo yu an wanfala fo Mosis an wanfala fo Elaeja.”

Gudnius abaotem Jisas Kraes wea Mak hemi raetem 9:5 Iomraidhean Croise

Sams 84:10

God blong mi, sapos mi stap fo wanfala de nomoa insaet long Tambuhaos blong yu, hemi moabeta winim sapos mi stap fo 1,000 de long eni narafala ples. Nomata mi stanap nomoa long doa blong Tambuhaos blong yu, hemi moabeta winim sapos mi stap insaet long haos blong olketa nogud pipol.

Matiu 17:4

So Pita hemi sei long Jisas, “Masta, hemi gud tumas nao mifala stap long hia. Sapos yu laekem, mi save wakem trifala smol haos, wanfala fo yu an wanfala fo Mosis an wanfala fo Elaeja.”

Matiu 23:7

An taem olketa wakabaot go long maket, olketa laekem olketa pipol fo mekhae long olketa an fo kolem olketa tisa.

Matiu 23:8

“Bat yufala mas no letem eniwan fo kolem yufala tisa. Wanfala man nomoa hemi tisa blong yufala an yufala evriwan i brata nomoa ya.

Gudnius abaotem Jisas Kraes wea Mak hemi raetem 9:4

Taem ya, trifala ya i lukim Mosis an Elaeja tufala gohed fo stori wetem Jisas nao.

Gudnius abaotem Jisas Kraes wea Mak hemi raetem 9:6

Pita hemi tok olobaot olsem bikos trifala ya barava fraet fogud nao.

Gudnius abaotem Jisas Kraes wea Luk hemi raetem 9:33

Taem tufala man ya i stat fo lusim Jisas an gobaek, Pita hemi tok olsem long Jisas, “Masta, hemi gud tumas nao mifala stap long hia. Bae mifala wakem trifala smol haos, wanfala fo yu an wanfala fo Mosis an wanfala fo Elaeja.” Pita hemi talem olsem from hemi no minimgud wanem hemi go-gohed.

Gudnius abaotem Jisas Kraes wea Jon hemi raetem 4:31

Nao semtaem woman ya hemi gobaek long taon, olketa disaepol blong Jisas olketa sei long hem, “!Ei Tisa, yu mas kaikai nao!”

Filipae 1:23

Mi barava stap long midol long tufala gudfala samting nao. Mi laekem tumas fo lusim laef an go stap wetem Kraes, bikos hem nao hemi barava nambawan samting.

1 Jon 3:2

Olketa fren, long distaem nao yumi olketa pikinini blong God, bat wanem nao bae hemi hapen long yumi, God hemi no talemaot yet. Bat wanfala samting nao yumi save, taem Kraes bae hemi kambaek moa, bae yumi barava lukim hem an bae yumi kamap olsem hem nao.