Gudnius abaotem Jisas Kraes wea Mak hemi raetem 9:2 - Pijin Bible

² Long meksiks de bihaen, Jisas hemi tekem Pita an Jemes an Jon wetem hem, an olketa seleva i goap long wanfala hae maonten. Taem trifala ya i lukluk go nomoa, bodi blong Jisas hemi sens nao,

Pijin Deuterocanon

² Long meksiks de bihaen, Jisas hemi tekem Pita an Jemes an Jon wetem hem, an olketa seleva i goap long wanfala hae maonten. Taem trifala ya i lukluk go nomoa, bodi blong Jisas hemi sens nao,

Gudnius abaotem Jisas Kraes wea Mak hemi raetem 9:2 Iomraidhean Croise

1 Kings 18:33

Den hemi putum olketa faeawud antap long olta ya. Hemi katem man buluka long olketa smolfala pisis, an hemi putum antap long faeawud ya. Den hemi tok olsem, “Yufala go fulumap wata long fofala bikfala kontena, an yufala kapsaetem go olobaot long mit blong ofaring wetem olketa faeawud ya.” An olketa duim olsem wea hem talem.

1 Kings 18:42

So king ya hemi go fo kaikai, bat Elaeja hemi klae go long antap long maonten long Kaamel moa. Den hemi baodaon go-go fes blong hem hemi kasem ni blong hem, an hemi prea.

Eksodas 24:13

Mosis wetem Josua, hu hemi gohed fo helpem hem, tufala redim tufala seleva fo goap antap long tambu maonten ya. An Mosis hemi tok olsem long olketa lida ya, “Yufala weit long hia, go-go mitufala kambaek. Eron an Hua, tufala stap nomoa wetem yufala. Sapos samfala long olketa pipol i raoa, olketa save go long tufala ya fo stretem.” Nao Mosis an Josua tufala lusim olketa an goap antap long maonten ya.

Aesaea 33:17

(Profet) !Olketa pipol blong mi! Taem wea bae hemi kam, bae yufala lukim wanfala gudfala king hu hemi barava hae fogud, an bae hemi rul ovarem evri ples long disfala bikfala lan.

Aesaea 53:2

Plan blong hem nao fo wakaman blong hem mas kamap olsem wanfala niufala tri wea hemi grouap from wanfala rut long drae graon. Hemi no luknaes nomoa, mekem eniwan hemi laek fo luk long hem. No enisamting nomoa hemi luk gud long hem, mekem eniwan hemi laekem hem.

Matiu 14:13

Taem Jisas hemi herem dat Jon Baptaes hemi dae finis, hemi go insaet long wanfala bot an hemi go seleva long wanfala ples wea no eniwan stap long hem. Bat taem olketa pipol herem nius abaotem ples wea Jisas hemi go long hem, olketa lusim olketa taon nomoa an olketa wakabaot go bihaen long hem.

Gudnius abaotem Jisas Kraes wea Mak hemi raetem 14:33

Bat hemi tekem Pita, Jemes an Jon fo go wetem hem. An long taem ya, Jisas hemi filnogud tumas an tingting blong hem hemi barava dak fogud nao.

Gudnius abaotem Jisas Kraes wea Mak hemi raetem 16:12

Bihaen, Jisas hemi som hem seleva moa long tufala disaepol wea tufala gohed fo wakabaot long rod aotsaet long taon. Taem ya, tufala lukim Jisas hemi luk deferen nao.

Gudnius abaotem Jisas Kraes wea Mak hemi raetem 5:37

Nao Jisas hemi stopem evriwan fo no kam wetem hem, bat Pita an Jemes an brata blong hem Jon nomoa olketa go wetem hem.

Gudnius abaotem Jisas Kraes wea Luk hemi raetem 6:12

Nao long semtaem ya nomoa, Jisas hemi goap nao fo prea antap long wanfala hil. An wanfala fulnaet nao hemi stap long ples ya wea hemi gohed fo prea long God.

Gudnius abaotem Jisas Kraes wea Jon hemi raetem 1:14

Nao Toktok ya hemi kamap man an hemi barava somaot klia dat God hemi kaen tumas. Hemi somaot klia evri tru samting abaotem God. Hemi bin stap wetem mifala an mifala bin lukim saen blong bikfala paoa blong hem. Bikfala paoa wea hemi tekem finis bikos hem seleva nomoa hemi San Blong God.

Leta wea Pol hemi raetem go long sios long Rom 12:2

Yufala no letem yufala seleva fo falom wei blong disfala wol, bat yufala mas letem God hemi mekem yufala sens, mekem hemi givim niufala tingting long yufala. Long wei ya nao yufala save luksave long wanem God hemi laekem. From diswan, bae yufala save long olketa gudfala samting wea hemi stret an God hemi hapi long hem.

2 Korin 13:1

Diswan hemi mektri taem wea bae mi go kasem yufala. An Buktambu hemi sei, “Taem eniwan hemi ripotem nara man, tu-tri pipol mas stap fo witnes long wanem hemi talem.”

Filipae 3:21

An bae hemi mekem olketa wik bodi blong yumi fo sens an kamap nambawan tumas olsem bodi blong hem seleva. Bae hemi duim diswan long disfala bikfala paoa blong hem wea hemi save yusim fo kontrolem evrisamting.

Revelesin 20:11

Den mi lukim wanfala bikfala tron wea hemi waet fogud, an mi lukim tu God hu hemi sidaon long hem. An wol wetem skae tufala ranawe from God, an no eniwan save faendem tufala long eni ples.