Gudnius abaotem Jisas Kraes wea Mak hemi raetem 9:12 - Pijin Bible

¹² Nao Jisas hemi sei, “Hemi tru ya, Elaeja nao hemi mas kam fastaem, mekem hemi stretem evrisamting moa. ?Bat waswe nao Buktambu hemi talem olsem, bae olketa meksave long San Blong Man, an bae olketa lukim hem olsem wanfala man nogud ya?

Pijin Deuterocanon

¹² Nao Jisas hemi sei, “Hemi tru ya, Elaeja nao hemi mas kam fastaem, mekem hemi stretem evrisamting moa. ?Bat waswe nao Buktambu hemi talem olsem, bae olketa meksave long San Blong Man, an bae olketa lukim hem olsem wanfala man nogud ya?

Gudnius abaotem Jisas Kraes wea Mak hemi raetem 9:12 Iomraidhean Croise

Sams 74:22

God, plis yu kam an talemaot dat wanem yu duim hemi stret nomoa. Yu mas tingim dat olketa hu i no biliv long yu, i mekfan nomoa long yu evride stat long moning go-go kasem ivining.

Aesaea 49:7

Yawe hemi Holi God hu hemi mekem Israel fri. Hemi tok long man wea pipol barava heitem hem an hu hemi wakaman blong olketa man fo rul. Yawe nao hemi tok olsem, “Olketa king bae i lukim yu an stanap fo mekhae long yu. Olketa bikman tu bae i baodaon fo onarem yu.” Olketa samting ya bae hemi hapen, bikos Yawe hu hemi Holi God blong Israel, hemi no save brekem promis blong hem, an hemi siusim yu finis olsem wakaman blong hem.

Aesaea 50:6

Taem olketa man i kam fo wipim baeksaet blong mi, mi tekemaot sote blong mi. An taem olketa kam fo tok nogud long mi, an pulumaot biad blong mi an olketa gohed fo spit long ae blong mi, mi nating stopem olketa nomoa.

Aesaea 52:14

Plande pipol wea i lukim hem, i seke fogud long hem, bikos samting wea hemi kasem hem, hemi barava spoelem bodi blong hem, an hemi nating luk moa olsem man nao.

Sekaraea 11:13

Yawe hemi tok olsem long mi, ?Yu torowem go seleni ya long ples blong man fo mekem pot long graon.? So mi tekem teti silva seleni wea hemi smolfala wejis nomoa, an mi torowem go seleni ya long ples blong man ya, hu hemi waka insaet long Tambuhaos blong Yawe.

Sekaraea 13:7

Yawe hu hemi garem evri paoa, hemi gohed fo tok olsem, ?!Naef fo faet blong mi! Yu mekredi fo agensim fren blong mi hu hemi lukaftarem sipsip blong mi. Yu kilim hem, an bae olketa sipsip ya i go olobaot. Bae mi agensim tu olketa smolfala sipsip blong mi.

Malakae 4:6

Disfala profet bae hemi mekem olketa dadi an olketa pikinini fo stap gudfala tugeta moa. Sapos hemi no olsem, bae mi mekem trabol fo kasem ples blong yufala mekem hemi nogud tumas.?

Matiu 16:21

Stat long taem ya, Jisas hemi go-gohed fo talemaot klia long olketa disaepol olsem, “Mi mas go long Jerusalem, an bae olketa hedprist an olketa tisa blong Lo an olketa nara bikman moa bae olketa meksave long mi an bae olketa kilim mi dae. Bat long mektri de, bae mi laefbaek moa.”

Matiu 26:24

Mi San Blong Man, bae mi mas dae olsem Buktambu hemi talem. !Bat disfala man wea bae hemi givim mi San Blong Man, go long olketa enemi blong mi, hemi mas lukaot! !Moabeta sapos disfala man hemi no bon!”

Gudnius abaotem Jisas Kraes wea Mak hemi raetem 10:33

Hemi tok olsem, “Yumi go-goap fo Jerusalem, an long ples ya nao bae olketa givim mi San Blong Man, go long han blong olketa hedprist an olketa tisa blong Lo. Bae olketa jajem mi fo mi mas dae. An bae olketa givim mi go moa long han blong olketa pipol wea olketa no Jiu,

Gudnius abaotem Jisas Kraes wea Mak hemi raetem 9:13

Nao mi talem yufala ya, Elaeja hemi kam finis nao, bat olketa pipol olketa duim enikaen ravis samting long hem falom tingting blong olketa seleva nomoa, olsem Buktambu hemi talemaot finis.”

Gudnius abaotem Jisas Kraes wea Mak hemi raetem 9:31

bikos hemi go-gohed fo tisim olketa disaepol blong hem nomoa. Hemi talem olketa olsem, “Bae mi San Blong Man, olketa givim mi go long han blong olketa man fo kilim mi dae. Bat bae mi laefbaek moa long mektri de.”

Gudnius abaotem Jisas Kraes wea Luk hemi raetem 1:76

An Sekaraea hemi sei moa, “Yu, pikinini blong mi, bae olketa kolem yu “Profet Blong God Antap”. Yu, bae yu go fastaem long Masta fo mekredi long rod fo hem.

Gudnius abaotem Jisas Kraes wea Luk hemi raetem 23:11

So Herod an olketa soldia blong hem, olketa stat fo mekfan long Jisas an fo tokdaonem hem. Bihaen, olketa mekem hem fo werem wanfala nambawan kaleko olsem kaleko blong king, an olketa sendem hem gobaek moa long Paelat.

Gudnius abaotem Jisas Kraes wea Luk hemi raetem 23:39

Nao wanfala long tufala man fo mekem trabol hu hemi hang long kros long saet long Jisas, hemi tokspoelem Jisas olsem tu, “?Waswe, yu nao yu disfala Mesaea o nomoa? Yu sevem yu seleva an yu sevem mitufala tu.”

Aposol 1:6

Nao taem olketa hipap tugeta ya, olketa askem Jisas olsem, “?Waswe Masta, hemi kasem taem nao wea bae yu mekem Israel fo kamap nambawan kingdom long wol moa?”

Aposol 4:11

An Jisas nao Buktambu hemi tokabaotem olsem, ‘Disfala ston wea yufala hu i wakem haos yufala no laekem, hemi kamap barava nambawan ston long haos nao.’