Gudnius abaotem Jisas Kraes wea Mak hemi raetem 8:2 - Pijin Bible

² “Mi barava sore tumas long olketa pipol ya, bikos olketa stap kam wetem yumi fo trifala de nao, an olketa no garem eni kaikai.

Pijin Deuterocanon

² “Mi barava sore tumas long olketa pipol ya, bikos olketa stap kam wetem yumi fo trifala de nao, an olketa no garem eni kaikai.

Gudnius abaotem Jisas Kraes wea Mak hemi raetem 8:2 Iomraidhean Croise

1 Kings 19:6

So hemi getap an hemi lukim wanfala bred wea olketa kukim long hotfala ston, an wanfala botol wata, tufala kolsap long hed blong hem. Hemi kaikai an hemi dring, an bihaen hemi leidaon an slip moa.

Sams 103:13

Yawe hemi gohed fo sore long olketa hu i tinghae long hem, olsem olketa dadi wea i gohed fo sore long olketa pikinini blong olketa.

Sams 145:15

Lod Yawe, evrisamting i luk go long yu, an yu givim kaikai long olketa taem olketa hanggre.

Sams 145:8

Yawe hemi kaen tumas, an hemi save sore long yumi. Hemi no save kros kuiktaem bikos lav blong hem fo yumi hemi bikfala tumas.

Maeka 7:19

Yawe. Mifala save dat bae yu sore moa long mifala, an bae yu tekemaot sin blong mifala olsem wea yu step long hem godaon long graon, o torowem go long midol long dipsi.

Matiu 14:14

Taem Jisas hemi kasem soa nomoa, hemi lukim plande pipol tumas nao. So hemi sore tumas long olketa an hemi mekem olketa hu i sik fo gudbaek moa.

Matiu 20:34

Nao Jisas hemi sore tumas long tufala, so hemi tasim ae blong tufala. An semtaem nomoa, tufala lukluk moa an tufala go wetem Jisas nao.

Matiu 9:36

Bat taem Jisas hemi luk go long olketa pipol ya, hemi sore tumas long olketa, bikos olketa wari fogud an no eniwan i stap fo helpem olketa. Olketa i olsem sipsip wea olketa no garem eniwan fo lukaftarem olketa.

Gudnius abaotem Jisas Kraes wea Mak hemi raetem 1:41

Nao Jisas hemi sore tumas long hem, so hemi tasim man ya an hemi sei long hem, “Ya, mi wiling. !Yu gudbaek nao!”

Gudnius abaotem Jisas Kraes wea Mak hemi raetem 5:19

Bat Jisas hemi no letem hem, an hemi talem hem olsem, “Yu mas gobaek long hom blong yu fo lukim olketa pipol blong yu. An yu mas go an talem olketa wanem nao God hemi bin duim fo yu finis, wea hemi duim gudfala samting tumas long yu.”

Gudnius abaotem Jisas Kraes wea Mak hemi raetem 6:32

So olketa go seleva insaet long wanfala bot an olketa go nao long wanfala ples wea no eniwan stap long hem.

Gudnius abaotem Jisas Kraes wea Mak hemi raetem 6:34

Taem Jisas hemi go long soa nomoa, hemi lukim plande pipol tumas nao, so hemi sore tumas long olketa bikos olketa olsem olketa sipsip wea no eni man hemi lukaftarem olketa. So hemi gohed fo tisim olketa long plande samting nao.

Gudnius abaotem Jisas Kraes wea Mak hemi raetem 8:3

An sapos mi sendem olketa fo go hom taem olketa hanggre olsem, bae olketa hafded long rod, bikos samfala long olketa barava kam farawe tumas ya.”

Gudnius abaotem Jisas Kraes wea Mak hemi raetem 9:22

Plande taem nao devol ya hemi mekem hem foldaon long faea an insaet long wata fo kilim hem dae. Sapos yu save duim, plis, yu sore long mifala an helpem mifala kam.”

Gudnius abaotem Jisas Kraes wea Luk hemi raetem 15:20

So hemi lusim ples ya an hemi gobaek nao long dadi blong hem. “Bat taem hemi ka-kam farawe yet, dadi blong hem hemi lukim hem, an hemi sore tumas long san blong hem nao. So hemi ran go fo mitim hem, an hemi putum han blong hem raonem hem an hemi kisim hem.

Gudnius abaotem Jisas Kraes wea Luk hemi raetem 7:13

Taem Masta hemi lukim disfala wido woman ya nomoa, hemi sore tumas long hem nao an hemi tok olsem long hem, “Yu no krae.”

Hibrus 2:17

Dastawe nao hemi fitim fo hemi stap barava man olsem olketa brata blong hem long wol ya. Bikos long wei ya nao, hemi save sore an kaen long olketa an hemi save stap tru olsem Haeprist an duim waka blong God, wea hem nao hemi tekemaot olketa sin blong olketa pipol.

Hibrus 4:15

An Haeprist blong yumi ya hemi savegud long hao yumi save wik tumas. Bikos evrisamting wea i traem yumi, olketa i traem hem finis tu. Bat nomata olsem, no enitaem nao Jisas hemi duim enisamting wea hemi rong.

Hibrus 5:2

Samfala pipol duim olketa rong samting bikos olketa no luksave long wanem olketa save duim. Disfala haeprist hemi save helpem gud kaen pipol olsem, bikos hem seleva tu hemi save wik tumas.