Gudnius abaotem Jisas Kraes wea Mak hemi raetem 7:9 - Pijin Bible

⁹ “Yufala ya barava save tumas long wei fo sensim olketa lo blong God, mekem yufala save falom nomoa kastom tising blong yufala seleva.

Pijin Deuterocanon

⁹ “Yufala ya barava save tumas long wei fo sensim olketa lo blong God, mekem yufala save falom nomoa kastom tising blong yufala seleva.

Gudnius abaotem Jisas Kraes wea Mak hemi raetem 7:9 Iomraidhean Croise

Sams 119:126

Lod Yawe, hemi taem fo yu duim samting nao ya, bikos olketa pipol i nating obeim olketa gudfala tising blong yu.

Aesaea 24:5

Olketa pipol long wol i mekem disfala wol fo kamap ravis long ae blong Yawe, bikos olketa gohed fo brekem lo blong wol ya an strongfala agrimen wea hemi stap olowe.

Aesaea 29:13

Yawe hemi tok olsem long mi, “Olketa pipol ya, olketa mekhae nomoa long mi long toktok, bat maen blong olketa hemi barava stap farawe from mi. Wei blong olketa fo mekhae long mi hemi falom nomoa olketa rul blong man.

Daniel 11:36

King ya blong Siria, bae hemi duim olketa samting falom maen blong hem seleva nao. An bae hemi gohed fo tokhae long hem seleva, an mekhae long hem seleva fo hae moa winim God hu hemi barava hae tumas an olketa narafala god tu. Bae hemi gohed olsem go-go kasem taem wea God bae hemi panisim hem. An bae God hemi duim nao wanem hemi bin planem finis fo duim.

Daniel 7:25

God hemi barava hae tumas, bat king ya bae hemi tok agensim hem nomoa. An bae hemi mekem olketa pipol blong God fo safa tumas. Bae hemi trae fo sensim olketa spesol taem an olketa lo blong olketa. An olketa pipol blong God bae i stap andanit long paoa blong hem fo tri an haf yia.

Gudnius abaotem Jisas Kraes wea Mak hemi raetem 7:13

From yufala tisim olketa pipol fo falom kastom olsem, yufala mekem toktok blong God fo kamap olsem samting nating nomoa ya. An plande wei olsem moa yufala garem wea yufala go-gohed fo duim.”

Gudnius abaotem Jisas Kraes wea Mak hemi raetem 7:3

Olketa Farasi wetem evriwan long olketa nara Jiu, olketa falom kastom blong olketa oloman blong olketa bifoa kam nao, wea olketa mas wasim han blong olketa long gudfala wei bifoa olketa save kaikai.

Gudnius abaotem Jisas Kraes wea Mak hemi raetem 7:5

So olketa Farasi an olketa tisa blong Lo olketa askem Jisas olsem, “?Waswe nao olketa disaepol blong yu olketa no save falom nomoa kastom wea hemi stat kam long olketa olo blong yumi? !Olketa gohed nomoa fo kaikai wetem han blong olketa wea hemi no klin!”

Leta wea Pol hemi raetem go long sios long Rom 3:31

?Bikos yumi biliv nao, waswe, yumi save fogetem Lo? Nomoa ya, taem yumi biliv yumi mekem Lo hem strong go moa.

2 Korin 11:4

Yufala bin letem olketa pipol fo kam nomoa an tokabaotem wanfala Jisas wea hemi deferen from diswan wea mifala talemaot. An yufala hapi nomoa wetem wanfala kaen spirit an wanfala kaen gudnius wea hemi barava deferen long Holi Spirit an disfala Gudnius wea mifala tekem kam long yufala.

Galesia 1:14

An mi strong tumas fo falom gud olketa kastom blong olketa olo blong mifala Jiu bifoa. Long wei ya, mi gohed gudfala winim plande long olketa wantok wea olketa yangfala olsem mi.

Galesia 2:21

Mi no save agensim kaenfala lav blong God ya. !Sapos Lo hemi barava save mekem man fo kamap stret long ae blong God, dae blong Kraes hemi olsem samting nating nomoa!

2 Tesalonaeka 2:4

Bae disfala man hemi agensim evrisamting wea pipol olketa gohed fo wosipim, wetem enikaen god blong olketa. An bae hemi mekem hem seleva fo bikfala winim moa evrisamting ya, an bae hemi go sidaon insaet long Tambuhaos blong God an talem dat hem seleva nao hemi God.