Gudnius abaotem Jisas Kraes wea Mak hemi raetem 7:22 - Pijin Bible

²² an fo brekem lo blong marit, an fo tekem evrisamting fo hem seleva, an fo talem enikaen ravis samting nomoa, an fo raverave tumas, an fo duim olketa nogud samting long ae blong pipol, an fo joles tumas, an fo stori nogud abaotem nara man, an fo praod tumas, an fo duim tu enikaen krangge samting nomoa.

Pijin Deuterocanon

²² an fo brekem lo blong marit, an fo tekem evrisamting fo hem seleva, an fo talem enikaen ravis samting nomoa, an fo raverave tumas, an fo duim olketa nogud samting long ae blong pipol, an fo joles tumas, an fo stori nogud abaotem nara man, an fo praod tumas, an fo duim tu enikaen krangge samting nomoa.

Gudnius abaotem Jisas Kraes wea Mak hemi raetem 7:22 Iomraidhean Croise

2 Kronikols 32:31

Taem King blong Babilonia hemi herem nius wea God hemi mekem wanfala saen long Jiuda, hemi sendem olketa man blong hem fo go faendemaot mining blong saen ya. Bat long datfala taem, God hemi laekem nomoa fo traem King Hesekaea fo faendemaot tingting blong hem, so hemi letem Hesekaea fo falom tingting blong hem seleva.

Sams 10:4

Olketa nogud pipol ya i nating wari nomoa long yu, an olketa praod tumas nao long tingting blong olketa, an olketa gohed fo tok olsem, “No eni God nomoa hemi stap.”

Sams 119:36

Plis yu mekem mi wiling fo obeim olketa tising blong yu winim wea mi save laek fo garem plande samting.

Provebs 12:23

Man wea hemi garem gud tingting, hemi no tok enikaen. Krangge man, tok enikaen tumas.

Provebs 22:15

Krangge tingting i stap long haat blong pikinini. Panisim hem fo aotem kaen tingting ya.

Provebs 23:6

Yu no kaikai long haos blong man hu hemi holetaet long olketa samting blong hem. Yu mas no laekem tumas gudfala kaikai hemi givim long yu.

Provebs 24:9

Olketa krangge plan i rong tumas. Pipol i les long man fo mekfan nomoa.

Provebs 27:22

Nomata yu barava panisim krangge man tumas, yu no save aotem krangge wei blong hem.

Provebs 28:22

Man holetaet long olketa samting blong hem an faetem dola nomoa, hem no save dat seknomoa bae hemi pua tumas.

Eklesiastes 7:25

So, mi mekem tingting blong mi hemi traehad fo kasem save, an fo lukaotem wei fo kamap waes, an fo minim wei blong evrisamting. An mi barava traehad tu fo save hao nao ravis wei hemi krangge nomoa, an hao nao olketa krangge wei i barava krangge tumas.

Aesaea 59:13

Mifala bin agensim yu, an les long yu, an nating laek fo falom yu nao. Mifala lusim yu finis. Hem nao mifala lukdaon long olketa narafala pipol, an mifala gohed nomoa fo mekem olketa safa. Evri tingting blong mifala, an evri toktok blong mifala, hemi laea wan nomoa ya.

Aesaea 59:7

Oltaem yufala kuiktaem tumas fo falom wei blong sin an fo spoelem olketa pipol hu i no duim nomoa eni rong samting. Tingting blong yufala nao hemi ravis olowe, an wei fo spoelem narafala pipol hemi olsem bikrod blong yufala nomoa ya.

Jeremaea 17:9

“?Hu nao hemi savegud long tingting blong man? Tingting blong man hemi olsem ravis sik wea no eniwan save kiurim. Ya, haat blong man hemi fulap nomoa long laea. ?Hu nao hemi savegud long haat blong man?

Matiu 20:15

?Waswe, yu tingse mi no garem paoa fo duim wanem mi laek fo duim long seleni blong mi seleva? ?O waswe, yu joles nomoa bikos mi kaen olsem?’”

Matiu 6:23

Bat sapos ae blong yu hemi nogud, bae bodi blong yu hemi tudak tu. So sapos no eni laet hemi stap long yu bat hemi tudak nomoa, bae yu barava tudak nao ya.”

Gudnius abaotem Jisas Kraes wea Mak hemi raetem 7:21

Bikos olketa samting wea hemi save kamaot long insaet long maen blong man, hemi olsem olketa ravis tingting wea hemi save mekem man fo durong wetem eniwan, an fo stil, an fo kilim dae nara man,

Gudnius abaotem Jisas Kraes wea Mak hemi raetem 7:23

Evri ravis samting ya, hemi kamaot long insaet long maen blong man, an hem nao hemi save mekem man fo no klin.”

2 Korin 10:5

So mifala save spoelem enikaen tingting wea hemi no tru. An mifala save brekemdaon enikaen praod tingting wea i agensim disfala tru save abaotem God. An hemi olsem mifala kasholem evri tingting blong pipol, an helpem olketa fo falom tingting blong Kraes.

Diutronomi 15:9

Yufala mas no garem ravis tingting fo no givim kaon bikos hemi kolsap long mekseven yia wea hemi taem fo aotem olketa kaon. Yufala mas no letem selfis tingting olsem hemi mekem yufala les an no helpem wantok wea hemi garem trabol. Bikos sapos yufala no helpem hem, bae hemi save komplen long Yawe, an Yawe bae hemi jajem wea yufala fitim fo garem panis long hem.

Diutronomi 28:54

An nomata wanfala gudfala man wea hemi kaen tumas, bat long datfala taem, bae hemi filnogud tumas from hanggre, so bae hemi kilim dae pikinini blong hem fo kaikaim mit blong hem. Bat bae hemi no save givim eni mit olsem long brata blong hem, o long waef blong hem wea hemi lavem hem tumas, o long olketa narafala pikinini blong hem wea i stap yet.

Diutronomi 28:56

Taem olketa enemi i kam spoelem taon blong yufala, nomata wanfala gudfala woman wea hemi barava ris tumas, bat long datfala taem, bae hemi filnogud tumas from hanggre. So bae hemi kaikaim bebi blong hem wea hemi jes bon, an bae hemi kaikaim tu samting wea hemi kamaot from basket blong bebi taem hemi bon. An hemi haedem fo kaikaim, mekem hemi no save givim eni mit blong hem long hasban blong hem wea hemi lavem tumas, o long olketa narafala pikinini blong hem.

1 Pita 2:15

God hemi laekem yufala fo gohed long olketa stretfala wei, mekem yufala save stopem krangge toktok blong olketa pipol hu i no garem gudfala save.

1 Pita 5:5

Long sem wei tu, yufala olketa yangman yufala mas putum yufala andanit long paoa blong olketa olo. An yufala evriwan mas hambol an helpem olketa fren blong yufala. Bikos Buktambu hemi sei, “God hemi nating laekem eniwan hu hemi praod, bat hemi somaot kaenfala lav blong hem long pipol hu i hambol.”