Gudnius abaotem Jisas Kraes wea Mak hemi raetem 7:21 - Pijin Bible

²¹ Bikos olketa samting wea hemi save kamaot long insaet long maen blong man, hemi olsem olketa ravis tingting wea hemi save mekem man fo durong wetem eniwan, an fo stil, an fo kilim dae nara man,

Pijin Deuterocanon

²¹ Bikos olketa samting wea hemi save kamaot long insaet long maen blong man, hemi olsem olketa ravis tingting wea hemi save mekem man fo durong wetem eniwan, an fo stil, an fo kilim dae nara man,

Gudnius abaotem Jisas Kraes wea Mak hemi raetem 7:21 Iomraidhean Croise

Jenesis 6:5

Nao long taem ya, olketa man long wol olketa gohed fo kamap nogud tumas, an oltaem, tingting blong olketa i fulap nomoa long olketa nogud samting. An taem Yawe hemi lukim samting ya,

Jenesis 8:21

God hemi hapi tumas long gudfala smel blong olketa sakrifaes ya, an hemi gohed fo tingting seleva olsem, “Bae mi no spoelem moa wol ya from olketa samting wea olketa man gohed fo mekem, bikos mi save nao hemi olsem, stat long taem wea olketa i smol pikinini nomoa, tingting blong olketa hemi stap finis long olketa samting nogud. Distaem mi spoelem finis olketa man wetem olketa narafala samting wea i garem laef, olketa evriwan i dae finis nao, bat bae mi no save duim moa olsem bihaen, olsem wea mi duim distaem.

Stori abaotem Job 14:4

?Waswe, eniwan save faendem man hu hemi klin long ae blong God? !Nomoa nao!

Stori abaotem Job 25:4

?Hu nao hemi stret nomoa long ae blong God? Ating no eniwan wea hem bon kam long wol hemi klin long ae blong God.

Sams 119:36

Plis yu mekem mi wiling fo obeim olketa tising blong yu winim wea mi save laek fo garem plande samting.

Sams 14:1

Olketa krangge pipol i tingse, “No eni God nomoa hemi stap.” Evri nogud pipol nomoa i stap, an olketa gohed fo duim evri ravis samting. No eniwan long olketa nao hemi stret.

Sams 14:3

Bat olketa evriwan i go rong finis nao, an olketa evriwan nomoa i nogud. No eniwan long olketa, hemi duim eni gudfala samting.

Sams 53:1

Olketa krangge pipol i tok olsem long olketa seleva, “No eni God hemi stap.” Evri nogud pipol nomoa i stap, an olketa gohed fo duim evri ravis samting. No eniwan long olketa nao hemi stret.

Sams 53:3

Bat olketa evriwan i go rong finis nao, an olketa evriwan nomoa i nogud. No eniwan long olketa nao, hemi duim eni gudfala samting.

Provebs 15:25

Yawe hemi spoelem haos blong man hu hemi strong tumas, bat hemi lukaftarem ples blong wido.

Provebs 4:23

Kontrolem tingting long haat blong yu, laef blong yu hemi kamaot long hem.

Aesaea 59:13

Mifala bin agensim yu, an les long yu, an nating laek fo falom yu nao. Mifala lusim yu finis. Hem nao mifala lukdaon long olketa narafala pipol, an mifala gohed nomoa fo mekem olketa safa. Evri tingting blong mifala, an evri toktok blong mifala, hemi laea wan nomoa ya.

Aesaea 59:7

Oltaem yufala kuiktaem tumas fo falom wei blong sin an fo spoelem olketa pipol hu i no duim nomoa eni rong samting. Tingting blong yufala nao hemi ravis olowe, an wei fo spoelem narafala pipol hemi olsem bikrod blong yufala nomoa ya.

Jeremaea 16:12

Bat yufala nao, yufala barava winim olketa grani ya long wei wea yufala gohed fo duim enikaen ravis samting. Yufala evriwan i bikhed tumas an wei blong yufala hemi ravis fogud, an yufala no save obeim mi.

Jeremaea 17:9

“?Hu nao hemi savegud long tingting blong man? Tingting blong man hemi olsem ravis sik wea no eniwan save kiurim. Ya, haat blong man hemi fulap nomoa long laea. ?Hu nao hemi savegud long haat blong man?

Jeremaea 4:14

!Olketa long Jerusalem! !Lusim olketa ravis wei blong yufala an mekem tingting blong yufala hemi kamap klin, nao bae God hemi sevem yumi. ?Hao long nao bae yufala falom ravis tingting blong yufala?

Esikiel 38:10

“Lod Yawe nao hemi tok olsem: Long datfala taem, wanfala ravis tingting bae hemi kam long yu, an bae yu mekem wanfala plan wea hemi barava nogud tumas.

Matiu 15:19

Bikos olketa samting wea hemi save kamaot long maen blong man, hemi olsem olketa ravis tingting wea hemi save mekem man fo kilim nara man dae, an fo brekem lo blong marit, an fo durong wetem eniwan, an fo stil, an fo talem olketa samting wea hemi no tru abaotem nara man, an fo stori nogud abaotem nara man.

Matiu 9:4

Bat Jisas hemi luksave nomoa long wanem olketa tingim, so hemi sei nao, “?Waswe nao yufala garem ravis tingting olsem long maen blong yufala?

Gudnius abaotem Jisas Kraes wea Mak hemi raetem 7:20

An hemi gohed moa fo tok olsem, “Yufala save, wanem hemi kamaot long maos blong man, hem nao hemi save mekem man fo no klin.

Gudnius abaotem Jisas Kraes wea Mak hemi raetem 7:22

an fo brekem lo blong marit, an fo tekem evrisamting fo hem seleva, an fo talem enikaen ravis samting nomoa, an fo raverave tumas, an fo duim olketa nogud samting long ae blong pipol, an fo joles tumas, an fo stori nogud abaotem nara man, an fo praod tumas, an fo duim tu enikaen krangge samting nomoa.

Gudnius abaotem Jisas Kraes wea Luk hemi raetem 16:15

So Jisas hemi talem olketa olsem, “Yufala save traehad fo mekem olketa pipol fo tinghae long yufala, bat God hemi save nomoa long maen blong yufala. Bikos wanem yufala olketa pipol i tingse hemi bikfala samting tumas, long ae blong God hemi olsem samting nating nomoa ya.”

Aposol 5:4

Taem yu no salem disfala pisgraon yet hemi blong yu ya, an nomata taem yu salem finis tu, evri seleni ya hemi blong yu nomoa. ?So waswe nao yu tingim diskaen wei fo toklaea? !Yu no laea long man nomoa, bat yu laea long God nao ya!”

Aposol 8:22

So yu mas sensim tingting an lusim disfala ravis wei blong yu ya, an yu mas prea long Masta, mekem hemi save fogivim disfala nogud tingting blong yu.

Leta wea Pol hemi raetem go long sios long Rom 7:5

Taem yumi bin falom wei blong yumi seleva, olketa ravis tingting hemi kamap strong moa insaet long bodi blong yumi, bikos yumi save long Lo. So yumi duim olketa nogud samting fo kilim yumi dae nomoa.

Leta wea Pol hemi raetem go long sios long Rom 7:8

Bat disfala wei blong sin hemi yusim toktok insaet long Lo fo mekem mi fo garem enikaen ravis tingting fo kavetem olketa samting. Sapos no eni Lo hemi stap, sin hemi samting nating nomoa ya.

Kolosi 3:5

Nao yufala mas kilim dae olketa wei blong yufala wea olketa i ravis wei blong wol nomoa, olsem wei fo durong wetem eniwan an wei fo duim olketa nogud samting tru wetem eniwan, an enikaen wei fo tingim an laekem olketa ravis samting. An yufala mas lusim tu disfala wei fo kavetem olketa samting blong nara pipol, bikos hemi barava olsem wei fo wosipim olketa laea god nomoa ya.

Taetas 3:3

Long bifoa, Seitan hemi laea long yumi tu, an yumi nating tingting stret an no wiling fo obeim eniwan. Long taem ya, enikaen samting wea yumi seleva laekem tumas nomoa, hemi bosim yumi. An enikaen samting wea yumi filgud tumas long hem, hemi bosim yumi tu. An laef blong yumi hemi somaot enikaen joles an ravis wei long nara pipol. Olketa save heitem yumi, an yumi tu bin heitem olketa.

Jemes 2:4

Hem nao wei wea yufala rong ya, bikos yufala fevarem pipol falom olketa ravis tingting blong yufala seleva.