Gudnius abaotem Jisas Kraes wea Mak hemi raetem 5:23 - Pijin Bible

²³ an hemi krae long hem olsem, “!Ei masta, smolfala gele blong mi hemi kolsap dae nao ya! !Plis yu kam an putum han blong yu long hem, mekem hemi save laef an gudbaek moa!”

Pijin Deuterocanon

²³ an hemi krae long hem olsem, “!Ei masta, smolfala gele blong mi hemi kolsap dae nao ya! !Plis yu kam an putum han blong yu long hem, mekem hemi save laef an gudbaek moa!”

Gudnius abaotem Jisas Kraes wea Mak hemi raetem 5:23 Iomraidhean Croise

2 Kings 5:11

Bat wea, taem Naaman hemi herem disfala toktok, hemi kros fogud, an hemi goaot from ples ya. An hemi tok olsem, “Mi tingse bae hemi kam lukim mi, an prea go long Yawe hu hemi God blong hem, an muvum han blong hem antap long olketa soa long skin blong mi, mekem bodi blong mi hemi gudbaek moa.

Sams 107:19

Nao taem olketa stap long trabol ya, olketa krae go long Yawe fo sevem olketa. So hemi sevem olketa nao from olketa trabol ya.

Sams 50:15

Yufala mas kolem mi long taem blong trabol, an bae mi sevem yufala, an yufala bae mekhae long mi.”

Matiu 8:3

So Jisas hemi tasim bodi blong man ya an hemi sei, “Ya, mi wiling. !Yu gudbaek nao!” Semtaem nomoa, disfala ravis sik blong skin ya, hemi finis from hem nao.

Gudnius abaotem Jisas Kraes wea Mak hemi raetem 16:18

An nomata olketa holem poesen snek o dringim olketa poesen samting, bae olketa no save dae nomoa long hem. An bae olketa putum han blong olketa antap long olketa sikman, an bae olketa save gudbaek moa.”

Gudnius abaotem Jisas Kraes wea Mak hemi raetem 5:24

Long taem ya nomoa, Jisas hemi go wetem man ya nao. An plande pipol tu olketa go-go falom Jisas, wea olketa trae fo pus strong long evri saet fo kam long hem.

Gudnius abaotem Jisas Kraes wea Mak hemi raetem 6:13

An olketa gohed moa fo raosim plande devol, an olketa putum oel long plande sikman tu an mekem olketa fo gudbaek moa.

Gudnius abaotem Jisas Kraes wea Mak hemi raetem 7:32

Nao samfala pipol olketa tekem kam wanfala man hu ia blong hem hemi pas, an hemi no save toktok gudfala tu. An olketa askem Jisas fo putum han blong hem antap long man ya.

Gudnius abaotem Jisas Kraes wea Mak hemi raetem 8:23

Nao Jisas hemi holem han blong man ya nomoa an lidim hem goaot nao from vilij ya. Hemi putum spit blong hem long ae blong man ya, an hemi putum han blong hem long hem tu an hemi askem hem olsem, “?Waswe, yu save lukim enisamting?”

Gudnius abaotem Jisas Kraes wea Luk hemi raetem 13:13

An hemi putum tufala han blong hem antap long woman ya an semtaem nomoa woman ya hemi stanap stret nao an hemi gohed fo mekhae long God.

Gudnius abaotem Jisas Kraes wea Luk hemi raetem 4:38

Nao Jisas hemi lusim preahaos ya an hemi go long haos blong Saemon. Long taem ya, mami-inlo blong Saemon hemi sik, from fiva hemi barava bikfala tumas long hem ya. An olketa askem Jisas fo go an helpem hem.

Gudnius abaotem Jisas Kraes wea Luk hemi raetem 4:40

Taem san hemi stat fo godaon nomoa, olketa pipol tekem kam long Jisas olketa pipol hu i garem olketa enikaen siknis long olketa. An Jisas hemi putum han blong hem antap long evri sikman ya, an hemi mekem olketa fo gudbaek moa.

Gudnius abaotem Jisas Kraes wea Luk hemi raetem 7:12

Taem olketa kolsap kasem geit blong taon ya, olketa mitim wanfala bikfala seksin wea olketa kamaot long disfala taon an olketa karim kam wanfala man hu hemi dae finis. Man hu hemi dae ya, hemi san blong wanfala wido woman ya an hem nomoa wanfala pikinini blong hem.

Gudnius abaotem Jisas Kraes wea Jon hemi raetem 11:3

Tufala sista ya i sendem nius go long Jisas, an tufala tok olsem, “!Masta, gudfala fren blong yu, Lasaros, hemi sik ya!”

Aposol 28:8

Taem ya, dadi blong Pablias hemi stap long bed nomoa ya, bikos hemi sik tumas wetem fiva an beleran. So Pol hemi go insaet long rum blong hem an putum han blong hem long man ya, an hemi prea fo hem, mekem hemi gudbaek moa.

Aposol 6:6

An olketa mekem sevenfala man ya fo stanap long frant blong olketa aposol, wea olketa putum han blong olketa antap long hed blong sevenfala man ya, an olketa prea fo olketa.

Aposol 8:17

So Pita an Jon tufala putum han blong tufala antap long olketa, an Holi Spirit hemi kamdaon fo stap wetem olketa nao.

Aposol 9:12

An insaet long spesol drim blong hem, hemi lukim finis wanfala man, nem blong hem Ananaeas, hemi kam an putum han blong hem antap long hem fo mekem ae blong hem save lukluk moa.”

Aposol 9:17

So Ananaeas hemi go nao. Hemi go insaet long disfala haos ya, an hemi putum han blong hem antap long Sol, an hemi sei, “!Sol, fren blong mi! Masta nao hemi sendem mi kam ya, disfala Jisas wea hemi somaot hem seleva long yu, taem yu ka-kam long rod. Hemi sendem mi kam, mekem yu save lukluk moa an mekem yu save fulap long Holi Spirit.”