Gudnius abaotem Jisas Kraes wea Mak hemi raetem 5:2 - Pijin Bible

² Taem Jisas hemi go long soa nomoa, wanfala man nao hemi ka-kam fo mitim hem. Man ya hemi kamaot long olketa kev wea olketa putum bodi blong man dae long hem. Disfala man ya wanfala ravis devol hemi stap long hem ya,

Pijin Deuterocanon

² Taem Jisas hemi go long soa nomoa, wanfala man nao hemi ka-kam fo mitim hem. Man ya hemi kamaot long olketa kev wea olketa putum bodi blong man dae long hem. Disfala man ya wanfala ravis devol hemi stap long hem ya,

Gudnius abaotem Jisas Kraes wea Mak hemi raetem 5:2 Iomraidhean Croise

Aesaea 65:4

Long naet, yufala save go long olketa beregraon fo tok wetem spirit blong olketa man dae, mekem hemi somaot wanem bae hemi hapen. An yufala gohed fo kaikaim mit blong pikpik, wetem supsup long ravis mit wea yufala sakrifaesim fo olketa laea god.

Gudnius abaotem Jisas Kraes wea Mak hemi raetem 1:23

Nao long taem ya tu, wanfala man wea ravis devol hemi stap long hem, hemi stap insaet long preahaos ya an hemi singaot bikfala olsem,

Gudnius abaotem Jisas Kraes wea Mak hemi raetem 1:26

Nao ravis devol ya hemi mekem bodi blong man ya barava seksek fogud. An semtaem hemi mekem hem fo singaot bikfala moa, an hemi kamaot from hem nao.

Gudnius abaotem Jisas Kraes wea Mak hemi raetem 3:30

Jisas hemi tok olsem, bikos samfala pipol olketa sei, “Wanfala ravis devol nao hemi stap long hem.”

Gudnius abaotem Jisas Kraes wea Mak hemi raetem 3:9

An bikos olketa pipol ya barava plande tumas, Jisas hemi talem olketa disaepol blong hem fo mekredi long wanfala bot fo hem, mekem olketa pipol no save pus strong fo kam long hem.

Gudnius abaotem Jisas Kraes wea Mak hemi raetem 4:1

Jisas hemi gohed moa fo tisim olketa pipol long saet long leik long Galili. An taem ya plande pipol nao olketa kam hipap raonem hem, so hemi go insaet long wanfala bot wea hemi stap insaet long leik ya nomoa, an hemi sidaon insaet long hem nao. An olketa pipol ya olketa stanap go nomoa long soa.

Gudnius abaotem Jisas Kraes wea Mak hemi raetem 4:36

So olketa disaepol blong hem olketa lusim olketa pipol ya nao. An olketa go insaet long bot wea Jisas hemi sidaon finis long hem, an olketa go wetem hem. Samfala bot moa olketa go-go wetem olketa tu.

Gudnius abaotem Jisas Kraes wea Mak hemi raetem 5:21

Jisas an olketa disaepol blong hem olketa katkros gobaek moa long narasaet long leik ya. Nao taem Jisas hemi go long soa, plande pipol nao olketa kam hipap raonem hem.

Gudnius abaotem Jisas Kraes wea Mak hemi raetem 5:3

an man ya hemi stap olowe nomoa long olketa kev ya. An bikos hemi strong tumas olsem, nomata eniwan hemi putum sen long hem, hemi no save holem hem nomoa ya.

Gudnius abaotem Jisas Kraes wea Mak hemi raetem 7:25

Nao wanfala woman wea wanfala ravis devol hemi stap long gele blong hem hemi herem nius abaotem Jisas. Semtaem nomoa, hemi kam nao an nildaon long frant blong Jisas.

Gudnius abaotem Jisas Kraes wea Luk hemi raetem 8:27

Taem Jisas hemi go long soa, hemi mitim wanfala man blong taon ya wea samfala devol stap long hem. Longtaem nao man ya hemi nating werem eni kaleko an hemi nating stap insaet long eni haos tu. Bat hemi bin stap kam long olketa kev wea olketa putum bodi blong man dae long hem.

Gudnius abaotem Jisas Kraes wea Luk hemi raetem 9:42

Nao taem boe ya hemi kam long ples wea Jisas hemi stanap long hem nomoa, devol ya hemi mekem boe ya fo foldaon long graon, an hemi mekem hem fo seksek olobaot nao. Bat Jisas hemi tokstrong long ravis devol ya, an hemi mekem boe ya fo gudbaek nao. An hemi givim boe ya gobaek moa long dadi blong hem.