Gudnius abaotem Jisas Kraes wea Mak hemi raetem 5:14 - Pijin Bible

¹⁴ Long taem ya nomoa, olketa man hu i lukaftarem olketa pikpik ya, olketa resis go long taon ya an olketa nara ples raonabaot fo talem nius ya nao. So olketa pipol kam fo lukim nao wanem hemi bin hapen.

Pijin Deuterocanon

¹⁴ Long taem ya nomoa, olketa man hu i lukaftarem olketa pikpik ya, olketa resis go long taon ya an olketa nara ples raonabaot fo talem nius ya nao. So olketa pipol kam fo lukim nao wanem hemi bin hapen.

Gudnius abaotem Jisas Kraes wea Mak hemi raetem 5:14 Iomraidhean Croise

Matiu 7:6

“Yufala mas no tekem olketa samting wea hemi tambu an givim go long olketa dog nomoa, bikos bae olketa tane kam long yufala an spoelem yufala. An yufala no torowem enisamting wea hemi gudfala tumas long olketa pikpik, bikos bae olketa step antap long olketa samting ya nomoa.”

Matiu 8:33

Nao olketa man hu i lukaftarem olketa pikpik ya, olketa resis go insaet long taon ya nao. An olketa stori abaotem wanem hemi hapen long tufala man wea olketa devol olketa stap long tufala, an abaotem evrisamting moa wea hemi hapen.

Gudnius abaotem Jisas Kraes wea Mak hemi raetem 5:13

Jisas hemi letem olketa go nomoa, an semtaem olketa ravis devol ya olketa goaot from man ya nao, an olketa go insaet long olketa pikpik ya. An evri pikpik ya olketa resis godaon long saet hil wea hemi had tumas fo godaon long hem, an olketa foldaon insaet long leik ya nao. So kolsap 2,000 pikpik nao olketa dae evriwan insaet long leik ya.

Gudnius abaotem Jisas Kraes wea Mak hemi raetem 5:15

Taem olketa kasem Jisas nomoa, olketa lukim tu disfala man wea bikfala seksin long olketa devol bin stap long hem bifoa. Bat distaem tingting blong hem hemi gud nao, an hemi werem tu kaleko, an hemi gohed fo sidaon kuaet nomoa. So olketa pipol ya barava fraet fogud nao.

Gudnius abaotem Jisas Kraes wea Luk hemi raetem 8:34

Taem olketa man hu i lukaftarem olketa pikpik, olketa lukim wanem hemi hapen, olketa ranawe nao, an olketa talemaot nius ya long taon ya an long olketa ples raonem taon ya moa.