Gudnius abaotem Jisas Kraes wea Mak hemi raetem 4:6 - Pijin Bible

⁶ Bat taem san hemi hot tumas, olketa dae nao bikos rut blong olketa i no godaon tumas.

Pijin Deuterocanon

⁶ Bat taem san hemi hot tumas, olketa dae nao bikos rut blong olketa i no godaon tumas.

Gudnius abaotem Jisas Kraes wea Mak hemi raetem 4:6 Iomraidhean Croise

Nambawan Singsing 1:6

Plis no lukdaon long mi bikos mi dak skin. Kala blong mi hemi deferen olsem, bikos olketa brata blong mi i kros long mi an mekem mi fo lukaftarem plantesin grep insaet long hot san. Dastawe nao mi no save lukaftarem gud bodi blong mi seleva.

Aesaea 25:4

Oltaem long taem blong trabol, olketa pua pipol wetem olketa hu i no garem paoa, bae i ranawe kam long yu fo haed. Yu nao yu olsem sefples long taem blong stom, an yu nao yu olsem sado long taem blong biksan, bikos olketa hu i mekem narafala pipol safa, i olsem barava strongfala ren agensim wol,

Jona 4:8

An long taem wea san hemi kamap, God hemi mekem ist win fo blou wea hemi barava hot fogud. An hot san ya hemi saen daon long hed blong Jona, mekem hemi wik fogud. Nao hemi tok olsem, “?Fo wanem nomoa mi laef? Hemi moabeta fo mi dae nomoa.”

Matiu 13:6

Bat taem san hemi hot tumas, olketa dae nao bikos rut blong olketa hemi no godaon tumas.

Gudnius abaotem Jisas Kraes wea Mak hemi raetem 4:5

An samfala long olketa sid ya olketa foldaon long ples wea graon hemi smolfala tumas, bikos hemi stap antap long bikfala ston nomoa. An olketa stat fo grou kuiktaem bikos graon ya hemi no dip nomoa.

Gudnius abaotem Jisas Kraes wea Mak hemi raetem 4:7

Samfala moa long olketa sid ya, olketa foldaon long ples wea rut blong nilagras hemi stap long hem. An nilagras ya hemi grou bikfala antap long olketa wit ya nomoa, an hemi stopem olketa wit fo no grou, mekem olketa nating garem eni frut long olketa.

Efesas 3:17

An mi prea dat Kraes bae hemi stap long laef blong yufala hu i biliv long hem. Mi prea wea evrisamting yufala duim hemi mas kamaot long lav blong God,

Kolosi 2:7

Yufala mas stap joen gud wetem Kraes olsem wanfala tri o wanfala haos wea hemi stanap strong long graon. An biliv blong yufala long hem hemi mas go-gohed fo kamap strong moa, olsem olketa bin tisim yufala long hem finis. An oltaem nomoa yufala mas talem tengkiu long hem.

2 Tesalonaeka 2:10

Bae hemi yusim tu enikaen ravis trik nomoa fo laea long olketa pipol wea bae olketa gohed fo lus. Bae olketa lus, bikos olketa no wiling fo lavem an fo falom tru toktok abaotem Masta wea hemi save sevem olketa.

Jiud 1:12

Taem yufala evriwan gohed fo mekem kaikai tugeta fo somaot dat yufala lavem yufala evriwan tumas, olketa mekem yufala filsem tumas long disfala nogud wei blong olketa. Olketa save tingim olketa seleva nomoa long taem olsem ya. Olketa ya i olsem olketa klaod wea win hemi karim kam nomoa, bat olketa no mekem eni ren fo foldaon. An olketa i olsem olketa tri wea olketa no garem eni frut nomoa, long taem blong olketa. Olketa olsem olketa tri wea olketa wakaman bin pulumaot olketa nomoa an letem olketa fo barava dae nao.

Revelesin 7:16

Bae olketa no save hanggre an no save dae long wata moa. An bae hot san hemi no save spoelem olketa moa.