Gudnius abaotem Jisas Kraes wea Mak hemi raetem 4:40 - Pijin Bible

⁴⁰ Nao Jisas hemi sei long olketa disaepol blong hem, “?Waswe nao yufala fraet tumas olsem? ?Yufala no biliv yet?”

Pijin Deuterocanon

⁴⁰ Nao Jisas hemi sei long olketa disaepol blong hem, “?Waswe nao yufala fraet tumas olsem? ?Yufala no biliv yet?”

Gudnius abaotem Jisas Kraes wea Mak hemi raetem 4:40 Iomraidhean Croise

Aesaea 42:3

Bae hemi kaen tumas olsem man hu hemi no brekem eni longfala gras nomata hemi bin ben lelebet. An bae hemi no bloum dae eni lam wea hemi no laet gudfala. Ya, oltaem hemi jajem evri pipol long stretfala wei blong mi.

Aesaea 43:2

Taem trabol hemi kasem yufala olsem wea yufala gotru long dipsi, bae mi stap wetem yufala. An taem yufala garem hadtaem olsem wea yufala gotru long riva wea hemi ran bikfala, bae hemi no save draonem yufala. Ya, taem trabol hemi kasem yufala olsem wea yufala gotru long faea, bae hemi no save bonem yufala.

Matiu 14:31

An long semtaem nomoa, Jisas hemi holem Pita nao an hemi sei long hem, “!Ei, biliv blong yu hemi smolfala tumas ya! ?Waswe nao yu garem tufala tingting?”

Matiu 16:8

Bat Jisas hemi save nomoa long wanem olketa talem, so hemi sei, “!Biliv blong yufala hemi smolfala tumas ya! ?Waswe nao yufala wari tumas from diswan wea yufala no garem eni bred?

Matiu 6:30

Nao olketa flaoa olobaot ya, olketa save stap fo lelebet taem nomoa, an bihaen ya, olketa pipol save torowem olketa go long faea. Bat nomata olsem, God hemi givim samting wea hemi lukgud tumas fo olketa werem. ?Bat yufala tingse bae God hemi no save givim kaleko long yufala? Biliv blong yufala hemi smolfala tumas ya.

Matiu 8:26

Bat long taem ya, Jisas hemi sei long olketa, “?Waswe nao yufala fraet tumas olsem? Biliv blong yufala hemi smolfala tumas ya.” Bihaen, hemi stanap an hemi tokstrong long win an olketa wev ya fo stap kuaet. So long taem ya nomoa, ples ya hemi barava kuaet fogud nao.

Gudnius abaotem Jisas Kraes wea Mak hemi raetem 4:41

Bat nomata olsem, olketa barava fraet fogud an olketa gohed fo toktok olsem tugeta long olketa seleva, “?Watkaen man nao ya? !Nomata win an olketa wev ya, olketa save obeim toktok blong hem nomoa!”

Gudnius abaotem Jisas Kraes wea Luk hemi raetem 8:25

An Jisas hemi talem olketa disaepol olsem, “?Waswe, wea nao biliv blong yufala?” Bat olketa fraet an sapraes tumas nao an olketa askem olketa seleva olsem, “?Maewat, watkaen man nao ya? !Hemi tokstrong long win an olketa wev an tufala save obeim hem nomoa!”