Gudnius abaotem Jisas Kraes wea Mak hemi raetem 4:32 - Pijin Bible

³² Bat taem hemi grouap kam nomoa, hemi kamap bikfala winim olketa narasamting insaet long gaden. Disfala mastad tri ya hemi garem olketa bikfala brans an olketa bed save kam an mekem haos blong olketa insaet long hem.”

Pijin Deuterocanon

³² Bat taem hemi grouap kam nomoa, hemi kamap bikfala winim olketa narasamting insaet long gaden. Disfala mastad tri ya hemi garem olketa bikfala brans an olketa bed save kam an mekem haos blong olketa insaet long hem.”

Gudnius abaotem Jisas Kraes wea Mak hemi raetem 4:32 Iomraidhean Croise

Sams 104:12

Olketa bed i mekem olketa nest long olketa tri wea i stap long saet blong olketa wata ya, an oltaem olketa singsing.

Sams 91:1

Yawe hemi hae tumas, an hemi garem evri paoa. Eniwan wea God hemi gadem, an hemi trastem God fo lukaftarem hem gudfala, hemi save tok olsem, “Yu nao yu God blong mi wea mi trastem. Yu nao yu lukaftarem mi, an yu gadem mi.”

Provebs 4:18

Bat stretfala wei hemi olsem fas laet long moning, hemi gohed fo saen gogo hemi olsem san hemi kamap.

Nambawan Singsing 2:3

Man blong mi, taem yu stap midol long olketa narafala yang man, yu barava olsem wanfala apol tri wea hemi grou midol long olketa narafala tri long bus. Mi laekem tumas fo sidaon long sado blong apol tri ya, an frut blong hem hemi barava suit tumas.

Aesaea 11:9

Long disfala Tambu Maonten long Saeon, olketa pipol bae i nating save spoelem olketa samting, bikos disfala wol bae hemi fulap long pipol hu i barava savegud long Yawe, olsem si hemi fulap long solwata.

Aesaea 32:2

Bae olketa ya i olsem wanfala strongfala sefples fo haed long hem from win an ren. Ya, bae olketa i olsem olketa springwata long drae eria, an bae olketa i olsem tu sado blong wanfala bikfala ston fo haed long hem from hot san.

Lamentesin 4:20

Disfala king wea Yawe bin siusim, hemi olsem wea hemi holem laef blong yumi. Yumi tingse hemi save gadem yumi from olketa narafala kantri, bat enemi i kasholem hem, an tekem hem aot from yumi.

Esikiel 17:23

Bae mi plantem antap long maonten blong Israel, nao hemi garem olketa brans, an hemi garem tu olketa frut long hem. Ya, bae hemi kamap wanfala nambawan sida tri. Bae evri kaen bed nao i kam fo stap long tri ya, an haed insaet long olketa brans blong hem.

Matiu 13:32

Disfala sid hemi smolfala long olketa nara sid, bat taem hemi grouap kam, hemi bikfala winim olketa narasamting insaet long gaden ya nao. An hemi kamap bikfala olsem wanfala tri wea olketa bed olketa kam fo mekem haos blong olketa long olketa brans blong hem.”

Gudnius abaotem Jisas Kraes wea Mak hemi raetem 4:31

Hemi olsem wanfala sid blong mastad tri wea wanfala man hemi plantem insaet long gaden blong hem. Disfala sid hemi smolfala nomoa long olketa nara sid long disfala wol.

Gudnius abaotem Jisas Kraes wea Mak hemi raetem 4:33

Jisas hemi talemaot toktok blong God long plande tokpiksa olsem long olketa pipol. Hemi tisim olketa, falom haomas nao olketa save heresave long tising blong hem.