Gudnius abaotem Jisas Kraes wea Mak hemi raetem 4:11 - Pijin Bible

¹¹ Nao Jisas hemi talem olketa olsem, “God hemi bin givim yufala save finis fo luksave long olketa samting wea hemi staphaed insaet long kingdom blong God. Bat olketa nara pipol olketa mas herem olketa samting ya long tokpiksa nomoa.

Pijin Deuterocanon

¹¹ Nao Jisas hemi talem olketa olsem, “God hemi bin givim yufala save finis fo luksave long olketa samting wea hemi staphaed insaet long kingdom blong God. Bat olketa nara pipol olketa mas herem olketa samting ya long tokpiksa nomoa.

Gudnius abaotem Jisas Kraes wea Mak hemi raetem 4:11 Iomraidhean Croise

Matiu 11:25

Nao long semtaem, Jisas hemi tok go olsem, “Dadi, yu nao yu Masta blong evrisamting long heven an long disfala wol. Mi tengkiu tumas long yu, bikos yu haedem olketa samting long olketa pipol hu i waes an save tumas, bat yu somaot olketa samting ya long olketa hu i olsem smolfala pikinini.

Matiu 13:16

“Bat yufala ya, yufala save hapi tumas ya, bikos ae blong yufala i barava lukim an ia blong yufala i barava herem nao.

Matiu 16:17

Nao Jisas hemi sei long Saemon, “Saemon san blong Jona, yu save hapi tumas ya, bikos wanem yu talemaot abaotem mi, i no man nao hemi somaot long yu ya. Bat Dadi blong mi long heven, hem nao hemi somaot diswan long yu.

Gudnius abaotem Jisas Kraes wea Mak hemi raetem 3:23

So Jisas hemi kolem olketa pipol fo kam kolsap long hem an hemi tisim olketa long olketa tokpiksa, wea hemi sei, “?Waswe, yufala tingse Seitan save raosim Seitan tu?

Gudnius abaotem Jisas Kraes wea Mak hemi raetem 4:10

Taem Jisas hemi stap seleva, samfala pipol hu i bin herem toktok blong hem finis, olketa kam long hem wetem tuelfala disaepol blong hem. Olketa kam fo askem hem abaotem mining blong olketa tokpiksa ya.

Gudnius abaotem Jisas Kraes wea Mak hemi raetem 4:2

An Jisas hemi gohed nao fo tisim olketa long plande samting long olketa tokpiksa. Hemi talem olketa olsem,

Gudnius abaotem Jisas Kraes wea Luk hemi raetem 8:10

Bat Jisas hemi sei, “God hemi bin givim yufala save finis fo luksave long olketa tru samting wea hemi staphaed insaet long kingdom blong God. Bat olketa nara pipol nao mas herem olketa samting ya long tokpiksa nomoa. Long diskaen wei nao, nomata olketa lukluk, bae olketa nating luksave nomoa, an nomata olketa lisin, bae olketa nating heresave nomoa.”

1 Korin 4:7

?Bikos hu nao i mekem yu fo kamap bikman winim olketa narawan? !Evrisamting yu garem ya, God nomoa hemi givim long yu! ?So hao nao yu save praod tumas long olketa samting, olsem yu nao yu mekem samting fo kamap?

2 Korin 4:6

Bikos God hu hemi bin sei, “!Laet mas saen kamaot long tudak!” hem tu hemi mekem laet blong hem fo saen kam long maen blong yumi. An hemi mekem yumi fo savegud long bikfala paoa blong God wea hemi saen kamaot long fes blong Kraes.

Efesas 1:9

hemi somaot finis long yumi disfala plan wea hemi bin staphaed, wea hemi tingim bifoa kam fo Kraes nao hemi finisim.

Kolosi 4:5

Yufala mas waes gudfala tu long wei wea yufala stap wetem olketa pipol wea olketa no biliv long Kraes. An yufala mas tingting gud evri taem yufala stori wetem olketa.

1 Tesalonaeka 4:12

Long wei ya nao olketa pipol hu i no blong sios, bae olketa save tinghae long yufala. An bae yufala no wari fo askem eniwan fo olketa samting yufala nidim.

1 Timoti 3:7

Bat wanfala man wea olketa pipol hu i no blong sios olketa tinghae long hem, hem nomoa hemi fit fo kamap lida. Sapos olsem, bae hemi no sem, an hemi no save foldaon long trap blong Seitan.

1 Jon 5:20

An yumi save tu dat San blong God hemi bin kam long disfala wol fo givim gudfala save long yumi, mekem yumi save long tru God. An yumi stap joen wetem tru God taem yumi stap joen wetem San blong hem Jisas Kraes. God nao hemi tru an hem nao hemi givim yumi disfala tru laef wea hemi no save finis.