Gudnius abaotem Jisas Kraes wea Mak hemi raetem 3:7 - Pijin Bible

⁷ Nao Jisas wetem olketa disaepol blong hem olketa goawe from taon an go moa long leik long Galili. An plande pipol nao olketa go-go wetem hem. Olketa pipol ya olketa kam from Galili, an Jiudia,

Pijin Deuterocanon

⁷ Nao Jisas wetem olketa disaepol blong hem olketa goawe from taon an go moa long leik long Galili. An plande pipol nao olketa go-go wetem hem. Olketa pipol ya olketa kam from Galili, an Jiudia,

Gudnius abaotem Jisas Kraes wea Mak hemi raetem 3:7 Iomraidhean Croise

Matiu 10:23

Taem yufala kasem wanfala taon an olketa pipol long ples ya olketa meksave long yufala, yufala mas ranawe go long narafala taon moa. Mi talem yufala tru samting nao, mi San Blong Man, bae mi kambaek moa long taem wea yufala no finisim yet waka blong yufala long evri taon long Israel.

Matiu 12:15

Jisas hemi save nao dat samfala pipol i tingim finis fo kilim hem dae, so hemi goaot from ples ya nao. Plande pipol nao olketa go wetem Jisas, an hemi mekem evriwan hu i sik fo gudbaek moa.

Matiu 12:16

An Jisas hemi tokstrong long olketa fo no stori abaotem hem long eniwan.

Matiu 4:25

An long taem ya, plande pipol nao olketa go-go wetem Jisas. Samfala long olketa i kam from provins long Galili, an samfala from provins long Dekapolis, an samfala from provins long Jiudia an Jerusalem, an samfala moa from narasaet go long Jodan.

Gudnius abaotem Jisas Kraes wea Mak hemi raetem 1:39

So hemi go-goraon long evri ples insaet long Galili fo talemaot toktok blong God insaet long olketa preahaos, an hemi gohed fo raosim olketa devol goaot from olketa pipol.

Gudnius abaotem Jisas Kraes wea Mak hemi raetem 1:45

Bat taem man ya hemi go nomoa, hemi stat fo talemaot nius ya long evri ples nao. So from diswan nao Jisas hemi no save wakabaot go insaet long eni vilij long ae blong olketa pipol. Hemi stap aotsaet nomoa long olketa ples wea no eniwan hemi stap long hem, bat olketa pipol ya olketa ka-kam from evri ples fo lukim hem nomoa.

Gudnius abaotem Jisas Kraes wea Mak hemi raetem 3:20

Nao, Jisas hemi kambaek moa long haos blong hem. An taem ya, plande pipol tumas nao olketa kam moa raonem hem. An Jisas wetem olketa disaepol blong hem olketa no garem taem fo kaikai.

Gudnius abaotem Jisas Kraes wea Mak hemi raetem 4:1

Jisas hemi gohed moa fo tisim olketa pipol long saet long leik long Galili. An taem ya plande pipol nao olketa kam hipap raonem hem, so hemi go insaet long wanfala bot wea hemi stap insaet long leik ya nomoa, an hemi sidaon insaet long hem nao. An olketa pipol ya olketa stanap go nomoa long soa.

Gudnius abaotem Jisas Kraes wea Luk hemi raetem 23:5

Bat olketa gohed moa fo tokstrong olsem, “Tising blong man ya hemi mekem plande trabol kamap long olketa pipol long evriwea long Israel ya. Hemi bin statem diswan long provins long Galili go-go hemi kam kasem long hia nao.”

Gudnius abaotem Jisas Kraes wea Luk hemi raetem 6:12

Nao long semtaem ya nomoa, Jisas hemi goap nao fo prea antap long wanfala hil. An wanfala fulnaet nao hemi stap long ples ya wea hemi gohed fo prea long God.

Gudnius abaotem Jisas Kraes wea Luk hemi raetem 6:17

Nao Jisas wetem olketa aposol blong hem, olketa wakabaot kamdaon from hil ya go-go olketa kasem flat ples. An long taem ya, plande long olketa disaepol blong Jisas olketa hipap kam tu. An plande nara pipol moa olketa kam from Jerusalem an from olketa nara ples long Israel an from olketa ples long saet si raonem tufala taon long Taea an Saedon.

Gudnius abaotem Jisas Kraes wea Jon hemi raetem 7:41

Nao samfala pipol moa olketa tok olsem, “!Hem ya nao disfala Mesaea!” Bat samfala pipol moa olketa sei, “!Ya, bat bae Mesaea hemi no kam from provins long Galili ya!

Gudnius abaotem Jisas Kraes wea Jon hemi raetem 7:52

Nao olketa tok olsem long hem, “?Waswe, yu tu wanfala man from Galili ya? Yu lukluk gud insaet long Buktambu, bae yu no lukim eni profet nao wea hemi kam from Galili ya.”

Aposol 17:10

Semtaem long naet nomoa, olketa Kristin i sendem Pol an Saelas tufala go haed long taon long Berea. An taem tufala kasem Berea, tufala go long preahaos blong olketa Jiu nao.

Aposol 17:14

So semtaem nomoa, olketa Kristin olketa sendem Pol godaon long saet si fo hemi sel go long wanfala sip. Bat Saelas an Timoti tufala stap nomoa long Berea.

Josua 20:7

So olketa pipol blong Israel i siusim trifala taon fo haed long west saet long Jodan Riva. Nem blong olketa nao Kedes long Galili wea hemi stap long olketa hil long eria blong Naftali, an Sekem wea hemi stap long olketa hil long eria blong Efrem, an Hebron wea hemi stap long olketa hil long distrik blong Jiuda.

Josua 21:32

An insaet long eria blong Naftali, olketa onam trifala taon wetem olketa lan raonem fo putum olketa animol long hem. Nem blong trifala taon ya nao: Hamot-Doa, an Katan, an Kedes long Galili. Kedes hemi wanfala long olketa taon ya fo haed long hem.