Gudnius abaotem Jisas Kraes wea Mak hemi raetem 3:3 - Pijin Bible

³ Nao taem ya nomoa, Jisas hemi talem olsem long man wea han blong hem hemi dae finis, “Yu kam long hia an stanap long frant.”

Pijin Deuterocanon

³ Nao taem ya nomoa, Jisas hemi talem olsem long man wea han blong hem hemi dae finis, “Yu kam long hia an stanap long frant.”

Gudnius abaotem Jisas Kraes wea Mak hemi raetem 3:3 Iomraidhean Croise

Aesaea 42:4

Bae tingting blong hem hemi no save wikdaon an hemi no save givap enitaem, go-go kasem taem wea bae hemi mekem stretfala wei blong mi fo stap long wol. An olketa pipol long olketa farawe kantri, bae i weit fo herem tising blong hem.”

Daniel 6:10

Taem Daniel hemi save dat king hemi saenem finis disfala lo, hemi go long hom nao. (Long haos blong hem wanfala rum hemi stap antap wea hemi garem wanfala windo wea hemi fesim go Jerusalem. Trifala taem long evri de nao, Daniel save nildaon frant long windo ya fo prea an tengkiu long God.) Long disfala taem tu, hemi nildaon fo prea olsem wea hemi save duim olowe.

Matiu 12:10

An wanfala man wea han blong hem hemi dae finis, hemi stap insaet. Nao olketa laekem tumas fo ripotem Jisas so olketa askem hem olsem, “?Waswe, Lo hemi letem yumi fo mekem olketa sikman fo gudbaek moa long Sabat de?”

Gudnius abaotem Jisas Kraes wea Mak hemi raetem 3:2

Nao olketa laekem tumas fo ripotem Jisas so olketa barava lukluk falom hem nao fo faendemaot sapos hemi mekem man ya fo gudbaek moa long Sabat de.

Gudnius abaotem Jisas Kraes wea Mak hemi raetem 3:4

An Jisas hemi askem olketa pipol olsem moa, “?Waswe, wanem nao Lo blong yumi hemi letem yumi fo duim long Sabat de? ?Hemi letem yumi fo helpem man o fo spoelem hem? ?Fo mekem man fo laef o fo letem hem dae?” Bat olketa nating talem enisamting nao.

Gudnius abaotem Jisas Kraes wea Luk hemi raetem 6:8

Bat Jisas hemi save nomoa long tingting blong olketa, so hemi talem olsem long man ya wea han blong hem hemi dae finis, “Yu stanap an kam long frant.” So man ya hemi getap an stanap long frant nao.

Gudnius abaotem Jisas Kraes wea Jon hemi raetem 9:4

Taem hemi delaet yet, yumi mas gohed fo duim waka blong God hu hemi sendem mi kam. Bikos naet hemi ka-kam, an long naet ya no eniwan i save duim enisamting.

1 Korin 15:58

Olketa gudfala fren blong mi, from diswan yufala mas stanap strong an no seksek olobaot. Olowe, yufala mas go-gohed strong fo duim waka blong Masta. Yufala save finis wea no enisamting wea yufala duim long waka blong Masta hemi save lus nating.

Galesia 6:9

So yumi mas no taet fo duim olketa gud samting ya. An sapos yumi no givap long diswan, bae yumi save tekem olketa gudfala samting wea i redi finis long barava taem blong hem.

Filipae 1:14

An bikos olketa Kristin long hia olketa save dat mi stap long prisin, plande long olketa i bin kamap strong moa long biliv blong olketa long Masta. An olketa no save fraet, bat olketa gohed strong fo talemaot toktok blong God.

1 Pita 4:1

Taem Kraes hemi stap yet long disfala wol, hemi safa long bodi blong hem. So yufala tu mas garem semkaen tingting wea hemi garem, mekem yufala stap strong. Bikos eniwan hu hemi safa long bodi blong hem, bae hemi no save falom wei blong sin.