Gudnius abaotem Jisas Kraes wea Mak hemi raetem 3:10 - Pijin Bible

¹⁰ Hemi bin mekem plande sik pipol fo gudbaek moa, an dastawe nao samfala sikman moa olketa go-gohed fo pusum olketa seleva fo go long hem, mekem olketa save tasim hem.

Pijin Deuterocanon

¹⁰ Hemi bin mekem plande sik pipol fo gudbaek moa, an dastawe nao samfala sikman moa olketa go-gohed fo pusum olketa seleva fo go long hem, mekem olketa save tasim hem.

Gudnius abaotem Jisas Kraes wea Mak hemi raetem 3:10 Iomraidhean Croise

Jenesis 12:17

Bat bikos king hemi tekem Sarae waef blong Ebram fo stap wetem hem, Yawe hemi gohed fo sendem kam olketa ravis sik fo hemi gohed fo spoelem king ya wetem olketa man blong hem.

Nambas 11:33

Bat taem samfala gohed fo kaikaim mit ya, Yawe hemi kros long olketa an hemi sendem kam wanfala ravis sik long olketa wea hemi mekem plande long olketa fo dae.

Matiu 12:15

Jisas hemi save nao dat samfala pipol i tingim finis fo kilim hem dae, so hemi goaot from ples ya nao. Plande pipol nao olketa go wetem Jisas, an hemi mekem evriwan hu i sik fo gudbaek moa.

Matiu 14:14

Taem Jisas hemi kasem soa nomoa, hemi lukim plande pipol tumas nao. So hemi sore tumas long olketa an hemi mekem olketa hu i sik fo gudbaek moa.

Matiu 14:36

An olketa askem hem fo letem olketa sik pipol ya fo tasim nomata en blong longfala kaleko blong hem, mekem olketa gudbaek moa. An evriwan hu olketa tasim kaleko blong hem, olketa gudbaek nao.

Matiu 4:23

Jisas hemi goraon long evri ples insaet long provins long Galili, an hemi gohed fo tis insaet long olketa preahaos blong olketa. An hemi gohed fo talemaot Gudnius abaotem kingdom long Heven. An evri pipol wea olketa garem enikaen siknis an olketa wea bodi blong olketa hemi wik tumas, Jisas hemi mekem olketa gudbaek moa.

Gudnius abaotem Jisas Kraes wea Mak hemi raetem 5:34

An Jisas hemi talem hem olsem, “Woman, biliv blong yu hemi mekem yu fo gudbaek moa. Yu go an yu no wari moa, bikos sik blong yu hemi finis from yu nao.”

Gudnius abaotem Jisas Kraes wea Mak hemi raetem 6:56

An long evri ples wea Jisas hemi go long hem, olsem long olketa taon an olketa vilij an olketa nara ples moa, olketa pipol save hipap wetem hem nao long olketa open ples. Olketa karim kam olketa sik pipol ya long Jisas, an askem hem fo letem olketa fo tasim nomoa en blong longfala kaleko blong hem. An evriwan wea olketa tasim hem ya, olketa barava gudbaek nao.

Gudnius abaotem Jisas Kraes wea Mak hemi raetem 8:22

Taem olketa kam kasem Betsaeda, samfala pipol olketa tekem kam long Jisas wanfala man wea ae blong hem hemi blaen. An olketa askem Jisas fo tasim man ya.

Gudnius abaotem Jisas Kraes wea Luk hemi raetem 5:3

Nao Jisas hemi go insaet long wanfala long tufala bot ya wea hemi blong Saemon. An hemi askem Saemon fo tekem bot ya fo goaot lelebet from soa. Nao Jisas hemi sidaon insaet long bot ya, an hemi gohed fo tisim olketa pipol hu i hipap kam.

Gudnius abaotem Jisas Kraes wea Luk hemi raetem 6:19

An evriwan long olketa pipol ya olketa traehad fo tasim hem, bikos paoa blong God wea hemi stap long hem, hemi mekem evri sikman fo kamap gudbaek moa.

Gudnius abaotem Jisas Kraes wea Luk hemi raetem 7:2

Long taon ya nao wakaman blong wanfala bikman blong ami blong Rom, hemi sik tumas an hemi kolsap fo dae nao. Disfala bikman blong ami ya hemi lavem tumas disfala wakaman ya.

Gudnius abaotem Jisas Kraes wea Luk hemi raetem 7:21

Long barava taem ya tu, Jisas hemi mekem gudbaek moa plande pipol hu i garem enikaen siknis, an plande pipol tu wea olketa ravis devol stap long olketa. An plande pipol hu ae blong olketa hemi blaen, hemi mekem olketa fo lukluk moa.

Aposol 5:15

An bikos long wanem olketa aposol i bin duim ya, olketa pipol olketa gohed nao fo tekem kam olketa hu i sik, an leimdaon olketa long mat o long bed long saet long rod. Olketa tingse, taem Pita hemi go-gopas long ples ya nomoa, maet sado blong hem hemi save kasem olketa hu i sik an mekem olketa fo gudbaek moa.

Hibrus 12:6

Bikos hemi stretem evriwan hu hemi lavem, an hemi panisim evriwan hu i pikinini blong hem.”