Gudnius abaotem Jisas Kraes wea Mak hemi raetem 2:5 - Pijin Bible

⁵ Taem Jisas hemi luksave long biliv blong olketa, hemi sei olsem long sikman ya, “Fren, mi fogivim nao olketa sin blong yu.”

Pijin Deuterocanon

⁵ Taem Jisas hemi luksave long biliv blong olketa, hemi sei olsem long sikman ya, “Fren, mi fogivim nao olketa sin blong yu.”

Gudnius abaotem Jisas Kraes wea Mak hemi raetem 2:5 Iomraidhean Croise

Jenesis 22:12

Nao enjel ya hemi tok olsem, “!Yu no kilim dae boe blong yu ya o mekem enisamting fo kasem hem! Distaem mi save nao dat yu gohed fo barava tinghae long God. An yu wiling fo givim an no laek fo holembaek nomoa disfala wanfala san blong yu ya wea yu garem, wea yu letem nomoa fo hemi dae.”

Sams 103:3

Hemi fogivim evri sin blong mi. Hemi tekemaot evri sik blong mi, an hemi mekem mi gudbaek moa.

Aesaea 38:17

Hemi gud fo mi safa olsem, mekem mi luksave wea bikfala lav blong yu hemi sevem mi from olketa bikfala trabol. An yu tekemaot finis olketa sin blong mi, an torowem finis bihaen long yu, an yu fogetem olketa finis nao.

Aesaea 53:11

Bihaen taem wea hemi safa, bae hemi hapi moa, bikos hemi save tu wea hemi no safa fo nating. Disfala Wakaman blong mi wea wei blong hem hemi stret fogud, bae hemi mekem staka pipol fo kamap stret tu, an hemi tekem panis fo evri sin blong olketa.

Matiu 9:2

samfala pipol olketa karim kam wanfala man fo lukim Jisas. Man ya, bodi blong hem hemi no save muv so olketa karim hem kam antap long bed blong hem. Taem Jisas hemi luksave long biliv blong olketa, hemi sei olsem long sikman ya, “Fren, yu no wari. Mi fogivim nao olketa sin blong yu.”

Matiu 9:22

Nao Jisas hemi tane go long woman ya an hemi sei long hem, “Woman, yu no wari. Biliv blong yu hemi mekem yu fo gudbaek moa.” An stat long taem ya nomoa, sik ya hemi finis from woman ya nao.

Matiu 9:5

Hemi isi tumas fo sei long man, ‘Mi fogivim nao olketa sin blong yu’. Bat hemi had tumas fo sei, ‘Yu stanap an wakabaot go nao’.

Gudnius abaotem Jisas Kraes wea Mak hemi raetem 2:6

Long taem ya, samfala long olketa tisa blong Lo, olketa stap long ples ya tu, an olketa tingting olsem long maen blong olketa seleva.

Gudnius abaotem Jisas Kraes wea Mak hemi raetem 5:34

An Jisas hemi talem hem olsem, “Woman, biliv blong yu hemi mekem yu fo gudbaek moa. Yu go an yu no wari moa, bikos sik blong yu hemi finis from yu nao.”

Gudnius abaotem Jisas Kraes wea Luk hemi raetem 5:20

Taem Jisas hemi luksave long biliv blong olketa, hemi sei nao, “Fren, mi fogivim nao olketa sin blong yu.”

Gudnius abaotem Jisas Kraes wea Luk hemi raetem 8:48

Nao Jisas hemi talem hem olsem, “Woman, biliv blong yu hemi mekem yu fo gudbaek moa. Yu go an yu no wari moa.”

Gudnius abaotem Jisas Kraes wea Jon hemi raetem 2:25

Nomata no eniwan i talemaot enisamting long hem abaotem olketa pipol, hemi save finis long wanem hemi insaet long tingting blong olketa.

Gudnius abaotem Jisas Kraes wea Jon hemi raetem 5:14

Bihaen nao, Jisas hemi jes mitim man ya moa insaet long Tambuhaos ya, so hemi tok olsem long hem, “Yu lukim, long distaem yu gudbaek nao ya. So yu mas no duim moa olketa nogud samting ya, mekem no enisamting hemi kasem yu wea hemi barava nogud moa.”

Aposol 11:23

Taem hemi kasem taon ya nomoa, hemi lukim dat God hemi bin blesim olketa pipol ya finis, so hemi barava hapi tumas nao. An hemi tokstrong long olketa fo olketa mas gohed oltaem fo obeim tru Masta blong yumi.

Aposol 14:9

Hemi sidaon an lisin long toktok blong Pol. Nao Pol hemi lukluk long man ya, an hemi luksave dat man ya hemi garem biliv, mekem hemi save kamap gudbaek moa.

Aposol 5:31

An God hemi tekem hem goap fo sidaon long raetsaet blong hem an fo kamap man fo rulim yumi an man fo sevem yumi. Hemi duim olsem, mekem olketa pipol blong Israel olketa save lusim olketa ravis wei blong olketa, mekem God bae hemi fogivim olketa sin blong olketa.

1 Korin 11:30

Dastawe nao plande long yufala, olketa wik an olketa sik an samfala olketa dae finis tu.

2 Korin 2:10

Eniwan wea yufala fogivim hem, mi tu mi fogivim hem. An sapos hemi duim samting wea mi save fogivim hem, oraet mi fogivim hem long ae blong Kraes, bikos mi laek fo helpem yufala.

Efesas 2:8

Bikos taem yufala biliv, kaenfala lav blong God nao hemi sevem yufala. Diswan hemi no hapen bikos eniwan long yufala hemi duim gudfala waka fo hem. Nomoa ya. God seleva nomoa hemi duim fri fo sevem yufala, mekem no eniwan hemi save tokpraod long hem.

Kolosi 3:13

An taem eniwan long yufala hemi garem enisamting agensim eniwan long yufala, hemi gud fo tufala no filkros, bat tufala mas fogivim tufala. Masta hemi fogivim yufala finis, an long sem wei, yufala tu mas fogivim yufala evriwan.

Jemes 5:15

An from olketa biliv long God taem olketa prea, Masta bae hemi mekem sikman ya fo gudbaek moa. An sapos man ya hemi garem eni sin, Masta bae hemi fogivim hem tu.