Gudnius abaotem Jisas Kraes wea Mak hemi raetem 12:5 - Pijin Bible

⁵ So man ya hemi sendem go moa nara wakaman blong hem, bat olketa kilim hem dae nomoa. An plande wakaman blong hem moa, semsamting ya nomoa hemi hapen long olketa, wea samfala olketa ki-kilim olketa an samfala olketa kilim olketa dae.

Pijin Deuterocanon

⁵ So man ya hemi sendem go moa nara wakaman blong hem, bat olketa kilim hem dae nomoa. An plande wakaman blong hem moa, semsamting ya nomoa hemi hapen long olketa, wea samfala olketa ki-kilim olketa an samfala olketa kilim olketa dae.

Gudnius abaotem Jisas Kraes wea Mak hemi raetem 12:5 Iomraidhean Croise

Nehemaea 9:30

Long plande yia, yu bin gohed fo putum spirit blong yu insaet long olketa profet, an sendem olketa ya fo wonem olketa pipol. Yu bin gohed fo we-weit fo olketa pipol i lisin long toktok ya, bat olketa les. So yu letem olketa pipol blong narafala kantri fo kam winim olketa.

Matiu 22:6

an samfala moa olketa kam an kasholem olketa wakaman blong king ya an olketa spoelem olketa an kilim olketa dae nao.

Matiu 23:37

Nao Jisas hemi tok moa olsem, “!Jerusalem, Jerusalem! Yu nao yu kilim dae olketa profet, an yu sutim dae olketa niusman blong God long ston. Plande taem mi laekem yufala fo kam long mi, mekem mi lukaftarem yufala, olsem taem kokorako hemi haedem olketa smolfala pikinini blong hem andanit long wing blong hem. Bat yufala nating wiling nomoa.

Matiu 5:12

Hem nao ya, yufala mas barava hapi fogud, bikos God bae hemi letem yufala joenem kingdom blong heven. Yufala ya, yufala wankaen wetem olketa profet blong God long bifoa kam, bikos olketa pipol i meksave long olketa olsem tu ya.

Gudnius abaotem Jisas Kraes wea Mak hemi raetem 12:4

So man ya hemi sendem go nara wakaman blong hem moa, an distaem olketa kilim wakaman ya long hed blong hem an olketa barava spoelem hem nao.

Gudnius abaotem Jisas Kraes wea Mak hemi raetem 12:6

Nao go-go, man ya hemi garem wanfala man nomoa hemi stap, hem ya nao san blong hem wea hemi lavem hem tumas. So hemi sendem hem olsem laswan fo go long olketa nao, wea hemi tingse, ‘Bae olketa tinghae long san blong mi ya.’

Gudnius abaotem Jisas Kraes wea Mak hemi raetem 9:13

Nao mi talem yufala ya, Elaeja hemi kam finis nao, bat olketa pipol olketa duim enikaen ravis samting long hem falom tingting blong olketa seleva nomoa, olsem Buktambu hemi talemaot finis.”

Gudnius abaotem Jisas Kraes wea Luk hemi raetem 6:36

Yufala mas kaen an sore long evri pipol, olsem Dadi blong yufala long heven hemi kaen an sore long evri pipol tu.”