Gudnius abaotem Jisas Kraes wea Mak hemi raetem 10:18 - Pijin Bible

¹⁸ Nao Jisas hemi tok olsem long hem, “?Waswe nao yu talem dat mi gudfala? God nomoa hemi gudfala.

Pijin Deuterocanon

¹⁸ Nao Jisas hemi tok olsem long hem, “?Waswe nao yu talem dat mi gudfala? God nomoa hemi gudfala.

Gudnius abaotem Jisas Kraes wea Mak hemi raetem 10:18 Iomraidhean Croise

Sams 119:68

Yu barava gud tumas an kaen tumas long mi. So plis yu tisim mi olketa lo blong yu.

Sams 145:9

Oltaem hemi gud tumas long yumi evriwan, an hemi save sore long yumi an evrisamting wea hemi mekem.

Sams 86:5

Lod Yawe, yu gud tumas, an yu gohed fo fogivim olketa sin blong mi. An yu lavem tumas olketa hu i prea go long yu.

Matiu 19:17

Nao Jisas hemi tok olsem long hem, “?Waswe nao yu askem mi abaotem wanem hemi gudfala? Yu save finis, God nomoa hemi gudfala. Bat sapos yu wande fo kasem tru laef, oraet, yu mas obeim olketa lo.”

Gudnius abaotem Jisas Kraes wea Mak hemi raetem 10:17

Taem Jisas hemi stat fo go moa, wanfala ris man nao hemi kam an nildaon long frant blong hem, an askem hem olsem, “!Gudfala Tisa! ?Wanem nao mi mas duim, mekem mi kasem tru laef wea hemi no save finis?”

Gudnius abaotem Jisas Kraes wea Mak hemi raetem 10:19

Yu save finis long olketa lo wea hemi sei, ‘Yu mas no kilim nara man dae. Yu mas no brekem lo blong marit. Yu mas no stil. Yu mas no laea long kot. Yu mas no laea fo stil. An yu mas tinghae long mami an dadi blong yu.’”

Gudnius abaotem Jisas Kraes wea Luk hemi raetem 18:19

Nao Jisas hemi sei, “?Waswe nao yu sei mi gudfala? God nomoa hemi gudfala.

Leta wea Pol hemi raetem go long sios long Rom 3:12

Evriwan i go rong finis nao, an olketa evriwan nomoa i nogud. No eniwan long olketa, hemi duim eni gud samting.

Jemes 1:17

Evrisamting wea hemi gud tumas hemi save kamdaon from heven. God nao hemi givim kam olketa gudfala samting, an hemi no save sensim wei blong hem. Olketa samting long skae wea God hemi bin mekem fo saen kam, olketa save sens olowe, bat wei blong God, hemi no save sens.

1 Jon 4:16

So yumi barava save nao dat God hemi lavem yumi, an yumi biliv wea diswan hemi tru. Lav hemi stat kam from God. So eniwan hu hemi somaot lav olowe, hemi man hu hemi stap joen wetem God, an God hemi stap joen wetem hem.

1 Jon 4:8

Bat eniwan hu hemi no lavem olketa nara pipol, hemi nating save long God, bikos disfala lav nao hemi stat kam long God.

1 Samuel 2:2

No eniwan hemi holi olsem yu Lod Yawe, an no eni narafala god hemi olsem yu. Yu wanfala strong sefples blong mifala, an mifala no garem eni narawan wea hemi olsem yu.”