Gudnius abaotem Jisas Kraes wea Mak hemi raetem 10:1 - Pijin Bible

¹ Bihaen Jisas hemi lusim ples ya, hemi go falom narasaet long riva long Jodan an katkros kambaek moa long provins long Jiudia. An plande pipol tumas nao olketa gohed fo kam moa long hem, so hemi gohed fo tisim olketa olsem hemi save duim oltaem.

Pijin Deuterocanon

¹ Bihaen Jisas hemi lusim ples ya, hemi go falom narasaet long riva long Jodan an katkros kambaek moa long provins long Jiudia. An plande pipol tumas nao olketa gohed fo kam moa long hem, so hemi gohed fo tisim olketa olsem hemi save duim oltaem.

Gudnius abaotem Jisas Kraes wea Mak hemi raetem 10:1 Iomraidhean Croise

Eklesiastes 12:9

Disfala Waes Tisa hemi gohed fo tisim olketa pipol long olketa samting wea hemi save. Hemi save gud long olketa waes toktok, an hemi gohed fo traem wea olketa i tru o nomoa.

Jeremaea 32:33

olketa evriwan bin les fo lukim mi an gohed fo tanem baeksaet long mi. Nomata oltaem mi gohed fo tisim olketa stretfala wei ya, bat olketa les fo lisin long mi, an les fo lanem enisamting nating moa.

Matiu 26:55

Nao long taem ya, Jisas hemi toktok olsem moa long olketa pipol, “?Waswe, yufala tingse mi man fo mekem trabol ya, mekem yufala kam fo kasholem mi wetem olketa naef an stik fo faet? Long evri de nao mi bin sidaon fo tisim olketa pipol insaet long Tambuhaos ya, bat yufala nating kasholem mi nomoa.

Matiu 4:23

Jisas hemi goraon long evri ples insaet long provins long Galili, an hemi gohed fo tis insaet long olketa preahaos blong olketa. An hemi gohed fo talemaot Gudnius abaotem kingdom long Heven. An evri pipol wea olketa garem enikaen siknis an olketa wea bodi blong olketa hemi wik tumas, Jisas hemi mekem olketa gudbaek moa.

Gudnius abaotem Jisas Kraes wea Mak hemi raetem 1:21

Nao Jisas wetem olketa disaepol blong hem olketa kam kasem taon long Kapaneam. Nao long Sabat de nomoa, Jisas hemi go insaet long preahaos, an hemi stat fo tisim olketa pipol nao.

Gudnius abaotem Jisas Kraes wea Mak hemi raetem 10:2

Nao samfala Farasi olketa kam fo trikim Jisas nomoa, so olketa askem hem olsem, “?Waswe, Lo blong yumi hemi save letem man fo lusim waef blong hem?”

Gudnius abaotem Jisas Kraes wea Mak hemi raetem 12:35

Taem Jisas hemi gohed fo tisim olketa pipol insaet long disfala Tambuhaos blong God, hemi askem olketa olsem, “?Waswe nao olketa tisa blong Lo olketa sei disfala Mesaea bae hemi bon kam long laen blong King Deved nomoa?

Gudnius abaotem Jisas Kraes wea Mak hemi raetem 14:49

Evri de nao mi stap wetem yufala insaet long Tambuhaos blong God fo tisim olketa pipol, bat yufala nating kasholem mi nomoa. Bat olketa samting ya, hemi mekem Buktambu hemi kamtru nao.”

Gudnius abaotem Jisas Kraes wea Mak hemi raetem 2:13

Nao Jisas hemi gobaek moa long saet long leik long Galili. Taem ya nomoa, plande pipol nao olketa kam long Jisas an hemi gohed fo tisim olketa.

Gudnius abaotem Jisas Kraes wea Mak hemi raetem 4:2

An Jisas hemi gohed nao fo tisim olketa long plande samting long olketa tokpiksa. Hemi talem olketa olsem,

Gudnius abaotem Jisas Kraes wea Mak hemi raetem 6:2

Nao long Sabat de nomoa, hemi gohed nao fo tisim olketa pipol insaet long preahaos. An plande pipol nao olketa hipap, an taem olketa herem tising blong hem nomoa, olketa barava sapraes fogud nao an olketa sei, “?Maewat, hao nao disfala man hemi save long olketa samting ya? ?An hao nao hemi kamap waes tumas olsem ya? ?An hao nao hemi garem paoa fo mekem olketa mirakol ya?

Gudnius abaotem Jisas Kraes wea Mak hemi raetem 6:34

Taem Jisas hemi go long soa nomoa, hemi lukim plande pipol tumas nao, so hemi sore tumas long olketa bikos olketa olsem olketa sipsip wea no eni man hemi lukaftarem olketa. So hemi gohed fo tisim olketa long plande samting nao.

Gudnius abaotem Jisas Kraes wea Mak hemi raetem 6:6

Jisas hemi barava sapraes tumas, bikos olketa pipol long ples blong hem olketa nating biliv long hem. Bihaen, Jisas hemi goraon moa long olketa vilij fo tisim olketa pipol.

Gudnius abaotem Jisas Kraes wea Jon hemi raetem 10:40

Bihaen diswan, Jisas hemi katkros gobaek moa long narasaet long riva long Jodan. An hemi stap long disfala eria wea Jon hemi bin baptaesim olketa pipol long hem fastaem.

Gudnius abaotem Jisas Kraes wea Jon hemi raetem 11:7

Nao bihaen, hemi tok olsem long olketa disaepol blong hem nao, “Yumi gobaek moa long Jiudia.”

Gudnius abaotem Jisas Kraes wea Jon hemi raetem 18:20

Jisas hemi ansarem hem olsem, “Mi bin toktok klia abaotem olketa samting ya nomoa long evriwan. Mi tis olowe insaet long olketa preahaos an insaet long eria long Tambuhaos wea olketa pipol save hipap tugeta long hem. Mi nating talemhaed enisamting ya.