Gudnius abaotem Jisas Kraes wea Mak hemi raetem 1:5 - Pijin Bible

⁵ Nao long taem ya nomoa, evri pipol long Jerusalem an olketa nara ples long provins long Jiudia olketa kam an lisin long hem. Olketa talemaot olketa sin blong olketa an Jon hemi baptaesim olketa insaet long riva long Jodan.

Pijin Deuterocanon

⁵ Nao long taem ya nomoa, evri pipol long Jerusalem an olketa nara ples long provins long Jiudia olketa kam an lisin long hem. Olketa talemaot olketa sin blong olketa an Jon hemi baptaesim olketa insaet long riva long Jodan.

Gudnius abaotem Jisas Kraes wea Mak hemi raetem 1:5 Iomraidhean Croise

Provebs 28:13

Yu haedem sin blong yu, laef blong yu bae nogud. Bat yu talemaot sin blong yu an lusim hem, God bae kaen long yu.

Matiu 4:25

An long taem ya, plande pipol nao olketa go-go wetem Jisas. Samfala long olketa i kam from provins long Galili, an samfala from provins long Dekapolis, an samfala from provins long Jiudia an Jerusalem, an samfala moa from narasaet go long Jodan.

Gudnius abaotem Jisas Kraes wea Mak hemi raetem 1:4

So Jon hemi kam long wanfala drae eria, an hemi go-gohed nao fo baptaesim olketa pipol an talemaot toktok blong God long olketa olsem, “Yufala evriwan mas lusim ravis wei blong yufala an yufala mas baptaes, mekem God save fogivim olketa sin blong yufala.”

Gudnius abaotem Jisas Kraes wea Mak hemi raetem 1:6

Jon hemi werem olketa raf kaleko wea olketa wakem long hea blong kamel, an strap blong hem hemi skin blong animol nomoa. An kaikai blong hem nao hemi grashopa wetem wael hani.

Gudnius abaotem Jisas Kraes wea Jon hemi raetem 1:28

Olketa samting ya hemi gohed nomoa long disfala ples long Betani, long ist saet long disfala riva long Jodan, long ples wea Jon hemi gohed fo baptaesim olketa pipol long hem.

Gudnius abaotem Jisas Kraes wea Jon hemi raetem 3:23

An long semtaem, Jon Baptaes tu hemi gohed fo baptaesim olketa pipol long vilij long Aenon, wea hemi kolsap nomoa long vilij long Salim. Jon hemi gohed fo baptaesim pipol long ples ya bikos plande wata long hem. Plande pipol nao olketa kam, an olketa gohed fo baptaes.

Gudnius abaotem Jisas Kraes wea Jon hemi raetem 5:35

Jon hemi olsem wanfala lam wea hemi saen gudfala. An fo lelebet taem, yufala bin hapi wetem toktok blong hem ya.

Aposol 19:18

An plande long olketa hu i biliv finis, olketa talemaot long frant blong evriwan abaotem olketa ravis samting wea olketa bin duim kam bifoa.

Aposol 2:38

Nao Pita hemi ansarem olketa olsem, “Yufala evriwan i mas lusim olketa ravis wei blong yufala, an yufala mas baptaes long nem blong Jisas Kraes, mekem God bae hemi fogivim olketa sin blong yufala an bae hemi givim kam Holi Spirit long yufala.

Jemes 5:16

So yufala mas talemaot olketa sin blong yufala long yufala evriwan, an yufala mas prea fo eniwan long yufala hu hemi sik, mekem hemi gudbaek moa. Prea blong stretfala man, hemi barava garem paoa an hemi save helpem pipol.

Josua 7:19

Nao Josua hemi tok olsem long hem, “Wantok, fo somaot dat yu tinghae long Yawe God blong yumi blong Israel, yu mas toktru. Yu mas talem mi disfala nogud samting wea yu bin duim, an no trae fo haedem enisamting from mi.”