Gudnius abaotem Jisas Kraes wea Mak hemi raetem 1:35 - Pijin Bible

³⁵ Long barava eli moning, taem san hemi no kamap yet, Jisas hemi wekap nomoa an hemi go nao long wanfala ples wea no eniwan stap long hem, an hemi prea.

Pijin Deuterocanon

³⁵ Long barava eli moning, taem san hemi no kamap yet, Jisas hemi wekap nomoa an hemi go nao long wanfala ples wea no eniwan stap long hem, an hemi prea.

Gudnius abaotem Jisas Kraes wea Mak hemi raetem 1:35 Iomraidhean Croise

Gudnius abaotem Jisas Kraes wea Luk hemi raetem 6:12

Nao long semtaem ya nomoa, Jisas hemi goap nao fo prea antap long wanfala hil. An wanfala fulnaet nao hemi stap long ples ya wea hemi gohed fo prea long God.

Efesas 6:18

Taem yufala duim olketa samting ya, yufala mas prea an askem God fo helpem yufala. An yufala mas prea oltaem long paoa blong Holi Spirit. So yufala mas lukaot gudfala an no givap fo prea oltaem fo evri pipol blong God.

Gudnius abaotem Jisas Kraes wea Luk hemi raetem 5:16

Bat plande taem tu, Jisas hemi go seleva fo prea long olketa ples wea no eniwan hemi stap long hem.

Sams 5:3

Lod Yawe, taem san hemi kamap long moning, yu herem mi nao. mi ofarem kam olketa prea blong mi long yu, an mi gohed weit fo ansa blong yu.

Hibrus 5:7

Taem Jisas hemi stap yet long wol ya, hemi kraeaot bikfala long prea blong hem. Hemi prea go long God hu hemi save helpem hem fo no dae. Nao God hemi herem prea blong Jisas, bikos Jisas hemi save falom God an tinghae tumas long hem.

Gudnius abaotem Jisas Kraes wea Jon hemi raetem 6:15

Long taem ya, Jisas hemi save dat olketa pipol ya kolsap kam fo fosim hem fo kamap king nao. So hemi goawe nomoa an hemi wakabaot go seleva long hil ya nao.

Matiu 14:23

Nao taem hemi sendem olketa pipol ya gobaek finis, hemi goap long wanfala hil an hemi stap seleva fo prea. An long naet, hemi stap seleva nomoa long ples ya,

Filipae 2:5

Tingting an wei blong yufala hemi mas wankaen olsem tingting an wei blong Kraes.

Gudnius abaotem Jisas Kraes wea Jon hemi raetem 4:34

Nao Jisas hemi talem olsem, “Kaikai blong mi nao hemi fo obeim man wea hemi sendem mi kam an fo duim disfala waka wea hemi givim long mi, go-go mi barava finisim.

Sams 109:4

Nomata mi lavem olketa an mi bin prea fo olketa, olketa ya i agensim mi nomoa.

Matiu 14:13

Taem Jisas hemi herem dat Jon Baptaes hemi dae finis, hemi go insaet long wanfala bot an hemi go seleva long wanfala ples wea no eniwan stap long hem. Bat taem olketa pipol herem nius abaotem ples wea Jisas hemi go long hem, olketa lusim olketa taon nomoa an olketa wakabaot go bihaen long hem.

Gudnius abaotem Jisas Kraes wea Mak hemi raetem 1:36

Bihaen nomoa, Saemon an olketa fren blong hem olketa go-gohed fo lukaotem Jisas nao.