Matiu 9:6 - Pijin Bible

⁶ Bat distaem bae mi barava somaot long yufala wea mi San Blong Man, mi garem paoa long disfala wol fo fogivim olketa sin.” So Jisas hemi sei long disfala man ya nao, “!Yu stanap, tekem bed blong yu an wakabaot gobaek long haos blong yu!”

Pijin Deuterocanon

⁶ Bat distaem bae mi barava somaot long yufala wea mi San Blong Man, mi garem paoa long disfala wol fo fogivim olketa sin.” So Jisas hemi sei long disfala man ya nao, “!Yu stanap, tekem bed blong yu an wakabaot gobaek long haos blong yu!”

Matiu 9:6 Iomraidhean Croise

Aesaea 43:25

“Mi Yawe nao mi God blong yufala. An mi nao mi fogivim yufala, an mi tekemaot olketa sin blong yufala falom wei blong mi. Bae mi no save tingim moa olketa sin blong yufala.

Maeka 7:18

Yawe. No eni narafala god hemi olsem yu. Yu panisim olketa pipol blong yu, bat yu fogivim olketa hu i laef yet. Yu no save kros fo longtaem, bikos oltaem yu hapi nomoa fo somaot dat yu tinghevi tumas long mifala.

Matiu 4:24

Nao nius abaotem Jisas hemi go kasem evri ples insaet long provins long Siria ya. So olketa tekem kam plande pipol wea olketa garem enikaen sik long bodi blong olketa. Samfala, bodi blong olketa hemi filsoa tumas, an samfala, olketa devol hemi stap long olketa. Samfala, olketa garem sik wea hemi mekem olketa save foldaon an hafded, an samfala, bodi blong olketa hemi no save muv. An Jisas hemi mekem evriwan long olketa ya fo gudbaek moa.

Matiu 8:20

Bat Jisas hemi sei long hem, “Olketa wael animol olketa garem ples blong olketa seleva fo slip, an olketa bed tu olketa garem ples blong olketa seleva. Bat mi San Blong Man, mi no garem eni ples fo slip long hem.”

Matiu 9:2

samfala pipol olketa karim kam wanfala man fo lukim Jisas. Man ya, bodi blong hem hemi no save muv so olketa karim hem kam antap long bed blong hem. Taem Jisas hemi luksave long biliv blong olketa, hemi sei olsem long sikman ya, “Fren, yu no wari. Mi fogivim nao olketa sin blong yu.”

Matiu 9:5

Hemi isi tumas fo sei long man, ‘Mi fogivim nao olketa sin blong yu’. Bat hemi had tumas fo sei, ‘Yu stanap an wakabaot go nao’.

Matiu 9:7

An long taem ya, man ya hemi stanap nomoa an hemi wakabaot gobaek long haos blong hem nao.

Gudnius abaotem Jisas Kraes wea Mak hemi raetem 2:10

Bat distaem bae mi barava somaot long yufala wea mi San Blong Man, mi garem paoa long disfala wol fo fogivim olketa sin.” Nao Jisas hemi sei long disfala sikman ya olsem,

Gudnius abaotem Jisas Kraes wea Mak hemi raetem 2:7

“!Maewat! ?Hao nao disfala man ya hemi tok olsem? !Hemi barava tokspoelem God ya! !God nomoa hemi save fogivim olketa sin!”

Gudnius abaotem Jisas Kraes wea Luk hemi raetem 5:21

Nao olketa Farasi an olketa tisa blong Lo, olketa stat fo tingting olsem nao, “?Watkaen man nao ya hemi tokspoelem God olsem? !God nomoa hemi save fogivim olketa sin!”

Gudnius abaotem Jisas Kraes wea Jon hemi raetem 10:28

an mi givim tru laef wea hemi no save finis long olketa. Bae olketa no save dae, an bae no eniwan i save pulumaot olketa from han blong mi.

Gudnius abaotem Jisas Kraes wea Jon hemi raetem 17:2

Yu nao yu givim kam paoa long mi fo lukaotem evri pipol, mekem evriwan yu givim long mi bae mi save givim olketa disfala tru laef wea hemi no save finis.

Gudnius abaotem Jisas Kraes wea Jon hemi raetem 5:27

An hemi givim paoa long San blong hem, mekem hem nao bae hemi save jajem evriwan, bikos hem nao disfala San Blong Man.

Gudnius abaotem Jisas Kraes wea Jon hemi raetem 5:8

Nao Jisas hemi tok olsem long man ya, “Yu stanap an rolemap bed blong yu an yu karim go nao.”

Aposol 5:31

An God hemi tekem hem goap fo sidaon long raetsaet blong hem an fo kamap man fo rulim yumi an man fo sevem yumi. Hemi duim olsem, mekem olketa pipol blong Israel olketa save lusim olketa ravis wei blong olketa, mekem God bae hemi fogivim olketa sin blong olketa.

Aposol 9:34

Pita hemi sei long hem, “Aenias, Jisas Kraes bae hemi mekem yu fo gudbaek moa nao ya. Yu stanap an yu stretem bed blong yu.” Semtaem nomoa Aenias hemi stanap nao.

2 Korin 2:10

Eniwan wea yufala fogivim hem, mi tu mi fogivim hem. An sapos hemi duim samting wea mi save fogivim hem, oraet mi fogivim hem long ae blong Kraes, bikos mi laek fo helpem yufala.

2 Korin 5:20

So mifala nao man fo talemaot toktok blong Kraes, an hemi olsem God seleva nao hemi yusim mifala fo kolem olketa pipol. Mifala talemaot toktok blong Kraes an ask strong long yufala olsem, “!Yufala mas letem God fo mekem yufala save kambaek an frengud wetem hem moa!”

Efesas 4:32

Bat yufala mas sore an kaen tumas long evriwan, an yufala mas fogivim evriwan olsem God hemi fogivim yufala long Kraes.

Kolosi 3:13

An taem eniwan long yufala hemi garem enisamting agensim eniwan long yufala, hemi gud fo tufala no filkros, bat tufala mas fogivim tufala. Masta hemi fogivim yufala finis, an long sem wei, yufala tu mas fogivim yufala evriwan.