Matiu 9:23 - Pijin Bible

²³ Nao taem Jisas hemi kasem haos blong disfala bikman ya, hemi lukim olketa pipol hu olketa meknoes tumas an go-gohed fo krae bikfala.

Pijin Deuterocanon

²³ Nao taem Jisas hemi kasem haos blong disfala bikman ya, hemi lukim olketa pipol hu olketa meknoes tumas an go-gohed fo krae bikfala.

Matiu 9:23 Iomraidhean Croise

2 Kronikols 35:25

Long datfala taem, Profet Jeremaea hemi mekem samfala singsing fo sore long dae blong Josaea. Stat long datfala taem, olketa singim olketa singsing ya taem olketa sore long Josaea. An olketa singsing ya i kamap olketa kastom singsing blong Israel. Olketa bin raetemdaon long Buk blong Olketa Singsing fo Sore.

Jeremaea 16:6

Nomata olketa i risman, o olketa i puaman, bat bae olketa dae long disfala lan. Bae no eniwan hemi sore an krae long olketa, an no eniwan hemi berem olketa. Bae no eniwan hemi katem skin blong hem seleva o resarem hed blong hem seleva fo somaot sore blong hem fo olketa.

Esikiel 24:17

Yu krae smol nomoa an no letem voes blong yu hemi kamaot, mekem pipol i herem yu. Yu mas no somaot dat yu sore an filnogud. Yu mas no aotem spesol kaleko ya from hed blong yu, an yu mas no tekemaot sandol from lek blong yu. Yu mas no kavaremap fes blong yu, an no kaikaim olketa kaikai wea olketa pipol i kaikaim taem olketa sore an filnogud.”

Matiu 11:17

‘Yufala ya, taem mifala singim olketa hapi singsing long yufala, yufala nating hapi an nating dans nomoa. An taem mifala singim olketa singsing fo sore, yufala nating sore an nating krae nomoa.’

Gudnius abaotem Jisas Kraes wea Luk hemi raetem 7:32

Mi talem long yufala, yufala olsem olketa pikinini wea olketa sidaon long maket, wea wanfala seksin gohed fo singaot long nara seksin olsem, ‘Yufala ya, taem mifala pleim olketa hapi singsing fo yufala, yufala nating hapi an nating dans nomoa. An taem mifala singim olketa singsing fo sore, yufala nating sore an nating krae nomoa.’

Aposol 20:10

Bat Pol hemi godaon, an hemi leidaon antap long yangman ya, an hemi holem hem strong an hemi sei, “!Yufala no fraet moa, hemi laef nao ya!”

Aposol 9:39

So Pita hemi go wetem tufala nao, an taem hemi kasem Jopa, olketa tekem hem go long disfala rum long antap. An evri wido woman olketa krae fogud an olketa kam an stanap raonem Pita nao. An olketa som hem olketa sote an olketa longfala kaleko wea Dokas hemi bin somapem taem hemi stap laef yet.

Revelesin 18:22

Insaet long yu, bae no eniwan moa fo pleim gita, o singsing, o bloum moa bambu an trampet. No eniwan bae hemi waka long yu moa, an bae no enitaem moa olketa save mekem flaoa blong bred long yu.