Matiu 9:11 - Pijin Bible

¹¹ Taem olketa Farasi i lukim diswan, olketa sei olsem long olketa disaepol ya, “?Waswe nao tisa blong yufala ya hemi kaikai tugeta wetem olketa man fo tekem taks an olketa nara ravis pipol ya?”

Pijin Deuterocanon

¹¹ Taem olketa Farasi i lukim diswan, olketa sei olsem long olketa disaepol ya, “?Waswe nao tisa blong yufala ya hemi kaikai tugeta wetem olketa man fo tekem taks an olketa nara ravis pipol ya?”

Matiu 9:11 Iomraidhean Croise

Aesaea 65:5

Nao yufala tok olsem long olketa narafala pipol, ‘!Yufala no kam kolsap long mifala! !Yufala no tasim mifala bikos mifala holi tumas ya!’ Mi barava les long diskaen pipol olsem yufala ya. !Ya, kros blong mi long yufala hemi olsem faea wea hemi no save dae enitaem!

Matiu 11:19

An taem mi San Blong Man mi kam, mi save kaikai an mi save dring. So olketa pipol ya sei, ‘!Yufala lukim! !Disfala man ya, kaikai an dring nomoa hemi nambawan samting blong hem ya! An olketa fren blong hem nao olketa man fo tekem taks an olketa nara ravis pipol moa.’ Bat olketa samting wea hemi kamaot long gudfala tingting blong God ya, hemi somaot dat gudfala tingting ya hemi truwan nao.”

Matiu 5:46

?So sapos yufala lavem nomoa olketa hu i lavem yufala tu, waswe, yufala tingse God bae hemi blesim yufala ya? Nomata olketa man fo tekem taks, olketa save duim diswan tu ya.

Matiu 9:10

Bihaen moa, Jisas hemi go fo kaikai long haos blong Matiu An long taem ya, plande long olketa man fo tekem taks, an olketa nara ravis pipol tu, olketa evriwan i kam fo sidaon tugeta wetem Jisas an olketa disaepol blong hem.

Gudnius abaotem Jisas Kraes wea Mak hemi raetem 2:16

Nao samfala tisa blong Lo wea olketa i Farasi tu, olketa lukim dat Jisas hemi kaikai wetem olketa ravis pipol ya. Taem ya nomoa, olketa tok olsem nao long olketa disaepol blong Jisas, “?Ei, waswe nao man ya hemi kaikai wetem olketa man fo tekem taks an olketa nara ravis pipol olsem ya?”

Gudnius abaotem Jisas Kraes wea Luk hemi raetem 19:7

An taem olketa pipol olketa lukim diswan nomoa, olketa stat fo toktok agensim Jisas olsem, “!Lukim! Man ya hemi go stap long haos blong ravis man ya nao.”

Gudnius abaotem Jisas Kraes wea Luk hemi raetem 5:30

Bat olketa Farasi wea samfala long olketa i tisa blong Lo, olketa kros an olketa tok olsem long olketa disaepol blong Jisas, “?Waswe nao yufala kaikai an dring wetem olketa man fo tekem taks ya an wetem olketa nara ravis pipol ya moa?”

Aposol 11:3

Olketa agensim hem from hemi bin go long haos blong olketa pipol hu i no save mekem man fo kate, an from hemi kaikai wetem olketa tu.

Galesia 2:15

Hemi tru wea mifala bon kam olsem Jiu, an mifala no olsem olketa pipol hu i no Jiu wea olketa garem sin.

Hibrus 5:2

Samfala pipol duim olketa rong samting bikos olketa no luksave long wanem olketa save duim. Disfala haeprist hemi save helpem gud kaen pipol olsem, bikos hem seleva tu hemi save wik tumas.

2 Jon 1:10

So sapos eni tisa hemi kam long yufala an hemi no falom disfala tising blong Kraes, yufala mas no tekem hem go long haos blong yufala. An nomata fo welkamem hem, yufala mas no duim tu.