Matiu 8:6 - Pijin Bible

⁶ “Bikman, wanfala long olketa wakaman blong mi hemi sik an hemi leidaon nomoa long bed, an hemi no save fo muvum bodi blong hem an hemi barava filpein tumas.”

Pijin Deuterocanon

⁶ “Bikman, wanfala long olketa wakaman blong mi hemi sik an hemi leidaon nomoa long bed, an hemi no save fo muvum bodi blong hem an hemi barava filpein tumas.”

Matiu 8:6 Iomraidhean Croise

Matiu 4:24

Nao nius abaotem Jisas hemi go kasem evri ples insaet long provins long Siria ya. So olketa tekem kam plande pipol wea olketa garem enikaen sik long bodi blong olketa. Samfala, bodi blong olketa hemi filsoa tumas, an samfala, olketa devol hemi stap long olketa. Samfala, olketa garem sik wea hemi mekem olketa save foldaon an hafded, an samfala, bodi blong olketa hemi no save muv. An Jisas hemi mekem evriwan long olketa ya fo gudbaek moa.

Matiu 8:7

Nao Jisas hemi sei, “Bae mi kam long haos blong yu fo mekem hem gudbaek moa.”

Matiu 9:2

samfala pipol olketa karim kam wanfala man fo lukim Jisas. Man ya, bodi blong hem hemi no save muv so olketa karim hem kam antap long bed blong hem. Taem Jisas hemi luksave long biliv blong olketa, hemi sei olsem long sikman ya, “Fren, yu no wari. Mi fogivim nao olketa sin blong yu.”

Aposol 10:7

Taem disfala enjel ya hemi go finis nomoa, Konilias hemi kolem kam tufala wakaman blong hem wetem wanfala soldia. Disfala soldia ya, Konilias hemi save trastem hem tumas, an man ya hemi save tinghae long God tu.

Aposol 8:7

Plande pipol hu olketa ravis devol i stap long olketa, olketa devol i singaot bikfala an olketa kamaot from olketa. An plande pipol hu lek blong olketa i dae o bodi blong olketa i no save muv, olketa gudbaek moa.

Aposol 9:33

Long ples ya nao hemi lukim wanfala man nem blong hem Aenias, wea bodi blong hem hemi no save muv. An long eitfala yia nao hemi nating save lusim bed blong hem ya.

Kolosi 3:11

An falom diswan, evri pipol olketa semsem nomoa. Nomata yumi man blong Jiu o nomoa, nomata yumi mekem olketa boe fo kate o nomoa, nomata yumi no skul o yumi blong bus o yumi slev o yumi stap fri man nomoa, Kraes nao hemi nambawan samting long laef blong yumi, an Kraes nao hemi stap insaet long yumi evriwan.

Kolosi 4:1

Yufala olketa masta, yufala mas lukaotem gud olketa slev blong yufala long barava stretfala wei. Bikos yufala save dat yufala tu garem wanfala Masta blong yufala long heven.

1 Timoti 6:2

Nomata olketa slev wea i waka fo olketa Kristin masta i olsem brata blong olketa nomoa, olketa mas tinghae long olketa ya tu. Ya, olketa slev olsem, olketa mas waka gud moa bikos olketa helpem olketa masta wea i Kristin pipol, an olketa lavem olketa masta ya tumas. Nao yu mas tisim olketa samting ya long olketa pipol, an yu mas tokstrong long olketa fo olketa mas falom.

Filimon 1:16

An long distaem hemi no jes wanfala slev, bat hemi bikfala samting moa winim slev. Hemi wanfala gudfala Kristin fren blong yumi. Mi barava laekem hem tumas, bat ating bae yu nao laekem hem winim mi moa, bikos hemi gudfala slev blong yu an hemi Kristin fren blong yu tu.