Matiu 7:6 - Pijin Bible

⁶ “Yufala mas no tekem olketa samting wea hemi tambu an givim go long olketa dog nomoa, bikos bae olketa tane kam long yufala an spoelem yufala. An yufala no torowem enisamting wea hemi gudfala tumas long olketa pikpik, bikos bae olketa step antap long olketa samting ya nomoa.”

Pijin Deuterocanon

⁶ “Yufala mas no tekem olketa samting wea hemi tambu an givim go long olketa dog nomoa, bikos bae olketa tane kam long yufala an spoelem yufala. An yufala no torowem enisamting wea hemi gudfala tumas long olketa pikpik, bikos bae olketa step antap long olketa samting ya nomoa.”

Matiu 7:6 Iomraidhean Croise

Provebs 11:22

Naesbola woman hu hemi nating garem gud tingting, hemi olsem dog wetem gol sen long nek.

Provebs 23:9

No talem gudfala toktok long krangge man, bikos bae hemi tingdaonem toktok blong yu.

Provebs 26:11

Krangge man wea i duim sem krangge samting moa, hemi olsem dog i kaikaim toraot blong hem.

Provebs 26:4

Sapos yu givim krangge ansa long krangge man, hemi luk olsem yu krangge tu.

Matiu 15:26

Nao Jisas hemi tok olsem long hem, “Hemi no stret fo tekem kaikai blong olketa pikinini an torowem go nomoa long olketa dog.”

Matiu 24:10

Bae plande pipol olketa lusim biliv blong olketa, mekem olketa gohed fo no laekem olketa nara man an bae olketa givim olketa nara man go long olketa enemi tu.

Matiu 7:5

!Yu man fo laea tumas ya! Yu mas aotem bikfala pisgraon ya from ae blong yu seleva fastaem. An bihaen, bae yu save lukluk gud nao, an yu save aotem moa smolfala pisgraon ya wea hemi kasem ae blong brata blong yu.

2 Korin 11:26

Plande taem long olketa gogo blong mi, kolsap mi dae long bikfala riva an kolsap mi dae long enikaen man fo stil. Kolsap mi dae long olketa wantok blong mi an kolsap mi dae long olketa hu i no Jiu tu. Kolsap mi dae long biktaon an long bus an long solwata tu. An kolsap mi dae long olketa laea fren blong mi.

Filipae 3:2

Yufala mas lukaot long olketa pipol hu i laekem tumas fo spoelem bodi wetem disfala kastom fo kate. Olketa olsem wael dog hu i gohed long olketa ravis samting.

Hibrus 10:29

?Sapos olsem, wanem nao bae hemi hapen long wanfala man sapos hemi lukdaon long San Blong God? !Bae bikfala panis moa hemi kasem man olsem ya! Blad blong Kraes wea hemi mekem spesol agrimen blong God fo kamtru, hem nao hemi bin mekem disfala man ya fo kamap holi long ae blong God. Bat disfala man ya hemi ting dat blad blong Kraes hemi samting nating nomoa, an hemi tokdaonem tu Holi Spirit hu hemi bin somaot kaenfala lav long hem.

Hibrus 6:6

Sapos olketa ya barava gohed fo tanem go baeksaet blong olketa long Kraes, bae no eni wei hemi stap fo helpem olketa kambaek long Kraes moa. Bikos hemi olsem olketa nao nilam hem dae long kros moa, an mekem plande pipol fo tokspoelem hem.

2 Pita 2:22

Olketa barava duim nao olsem disfala waes toktok hemi sei, “Dog wea hemi toraot finis, hemi save gobaek an kaikaim moa toraot blong hem.” An nara toktok moa hemi sei, “Nomata yumi mekem pikpik fo klin gudfala, bae hemi gobaek an slip moa insaet long mad.”

Revelesin 22:15

Bat olketa nara pipol moa olketa no save go insaet. Hem nao olketa hu i falom olketa ravis wei, an olketa hu i gohed fo mekem majik, an olketa hu i durong wetem eniwan, an olketa hu i kilim man dae, an olketa hu i gohed fo wosipim olketa narafala god, an olketa hu i save laea tumas long toktok an long laef blong olketa.