Matiu 7:3 - Pijin Bible

³ “?Waswe nao yu lukim wanfala smol pisgraon wea hemi stap long ae blong brata blong yu, bat yu ya, yu nating filim nomoa bikfala pisgraon wea hemi stap long ae blong yu seleva?

Pijin Deuterocanon

³ “?Waswe nao yu lukim wanfala smol pisgraon wea hemi stap long ae blong brata blong yu, bat yu ya, yu nating filim nomoa bikfala pisgraon wea hemi stap long ae blong yu seleva?

Matiu 7:3 Iomraidhean Croise

Matiu 7:4

An hao nao yu save talem olsem long brata blong yu, ‘Ei, letem mi tekemaot disfala smol pisgraon from ae blong yu ya.’ Bat yu ya, disfala bikfala pisgraon nao hemi stap long ae blong yu seleva.

Matiu 7:5

!Yu man fo laea tumas ya! Yu mas aotem bikfala pisgraon ya from ae blong yu seleva fastaem. An bihaen, bae yu save lukluk gud nao, an yu save aotem moa smolfala pisgraon ya wea hemi kasem ae blong brata blong yu.

Gudnius abaotem Jisas Kraes wea Luk hemi raetem 18:11

“Disfala Farasi ya hemi stanap seleva long midol long Tambuhaos ya an hemi prea olsem, ‘God, mi tengkiu tumas long yu, bikos mi no olsem olketa nara man wea olketa laekem olketa samting fo olketa seleva, an olketa save laea tumas long olketa pipol, an olketa save brekem lo blong marit. An mi tengkiu tumas tu bikos mi no olsem disfala man fo tekem taks hu hemi stanap longwe.

Leta wea Pol hemi raetem go long sios long Rom 2:1

Yufala hu i jajem olketa nara pipol, yufala no save talem enisamting nao. Taem yufala jajem olketa nara man, yufala jajem yufala seleva nomoa, bikos yufala tu duim olketa semsamting.

Galesia 6:1

Olketa Kristin fren, sapos wanfala man hemi duim samfala sin, yufala hu i falom Holi Spirit nao, yufala mas helpem hem fo kamap stret moa. An yufala mas duim diswan long wei wea hemi no raf. Bat yufala mas lukaot, nogud yufala tu duim semkaen sin.